Desteya Siyasî ya Hevbendiya Niştimanî ya Sûrî civîna xwe ya rolane lidar xist, û têde giringî da teqînên terorristî yên dijî deverên sivîlan, her weha pêşhatên pirosesa siyasî û encamên xola pêncemîn ya Komîteya Destûrî ya Sûrî.
Û di civatê de Serokê Hikûmeta Sûrî ya Demkî Ebdulrihman Mustefa û Wezîrê Navxwe Mihîdîn Hermoş, beşdar bûn, û bi hev re behsa tevaya rêşûn û biryarên hatine standin ji bo ku rê li pêşiya operasyonên terorristî bigrin û bi şopa tewanbar û tevaya kesên tevlî wan operasyonan bûne kevin kirin.
Û Serokê Hikûmeta Demkî tekez kir ku teqînên terrorîst di çarçoveyeke rêbazkirî de tên, û dijminên şoreşê ger milîsên PYDe bin an DAIş be an rijêm be li paş in, û got ku zêdetir ji aliyekî heye ne ji berjewendiya wan e ku aramî û ewlehî li deverên rizgarkirî peyda bibe.
Û Mustefa diyar kir ku Hikûmeta Sûrî ya Demkî ji bo zefkirina sînor dê biryarin nû biderxîne, û mîkanîzmên karê nû bo dergehên sînorî bistîne.
Û Serokê Desteya Danûstandinê ya Sûrî Enes Elebde û Serokê Hevbeş yê Komîteya Destûrî ya Sûrî Hadî Elbehra, şiroveyek li ser bûyerên xola pêncemîn ji Komîteya Destûrî ya Sûrî pêşkêş kirin, û Elebde got ku diyar bû ku rijêm naxwaza komîte çalak bibe, û dixwazê karê wê asteng bike, û derbasî ti gengeşiyan derbarê naverokên destûrî nibe.
Û Elebde bal kişand ser ku li bal şandeyê navdewletî Cîr Bidirson aliyekî çalak heye ew jî şandê Desteya Danûstandinê ya Sûrî ye, û aliyek asteng e ew jî şandê rijêmê ye, û got ku Desteya Danûstandinê dê nameya arasteyî Netewên Yekbûyî û tevaya dewletên çalak di doseya sûrî de bike, her weha kesên miqatene li ser berdewamiya pirosesa siyasî.
Û Serokê Hevbendiya Niştimanî ya Sûrî D. Nesir Elherîrî, tekez kir ku encamên gera pêncemîn li bal bêhtiran ne tiştekî nişkave bû, ji ber ku qebareya texmînan ji vê gerê ne mezin bû, û got ku pêşhatên dawîn va rastiya çespandin û ku rijêm berê û niha jî li ser ti pêşveçûnan di pirosesa siyasî de bi awayekî giştî û pirosesa destûrî bi awayekî taybet de rijde.
Û Elherîrî cext kir ku hêzên şoreş û rikberiyê yên sûrî karekî mezin bo gihîştina çareya siyasî yaku dê derdeseriyên gelê sûrî bidawî bîne kir, lê li hember wê rijêm û piştgirên wê di opirasyonên leşkerî hovane de berdewam in, di dema sistbûna aliyê civaka navdewletî ve derbarê wan kiryar û tewanan de.
Û amadebûyan rewşa koçber û derbideran li kampên bakurê Sûriyê gengeşe kirin, û bal kişandin ser giringiya axaftina bi Netewên Yekbûyî û aliyên bexşîner daku alîkariya mirovî û alîkariyên xwerdeminî û bizîşkî bighîne hewcedaran.
Jêder: Ofîsa Ragihandinê ya Hevbendiya Niştimanî ya Sûrî