Îro sibeha sêşembê Desteya Siyasî ya Hevbendiyê digel Balyozên Hevalên Sûriyê rûniştin. Civîngeran giringiya rêkeftina di navbera Hevbendiyê û Desteya Hevrêziyê de tekez kirin, û giringiya pêkanîna komîtekê ji Hevbendiyê ji bo rawêjkariyê bi alayên leşkerî re, ji bo Encûmena Leşkerî û Serpereştiya Leşkerî ya bala damezirînin gotûbêj kirin.
Endamên Desteya Siyasî mijarek din gotûbêj kirin , ew jî metirsiya ew haydariya ko Rêjîma Esed bo gelek ji Sivîlên Mezê li Paytexta Sûriyê Şamê daye, ku divê ew malên xwe vala bikin, ji ber Rêjîm dê niştecihên resenên xwediyên war koçber bike, û Şervanên ji derveyî Sûriyê anîne, dê têkevin cihê wan bi amanca guhertina dîmugrafiyê.
Her wiha Endamên desteya Siyasî hişyarî dan ko rêjîm çekê birçîkirinê bikar tîne, bi dorpêçkirina hinek taxên mîna Qudseya li Gundewarê Şamê.
Her wiha li ser gotûbêjên şandyarê navdewletî Sitîvan Dî Mistora yên dawî li Sûriyê û Îranê û gotara Beşar Esed ya di derbarê redkirina wî ji çareseriya siyasî re û sûrbûna wî li ser ya leşkerî hate axaftin.
Endamên Hevbendiyê doz li balyozan kirin ji bo piştgiriya pirojeya Birêveberiya sivîl li Herêma Aram bikin ya ko Tirkiya li bakurê Sûriyê ji bo wê kar dike. Her weha piştgiriya Artêşa Azad ko li herêmên aram xurt bibe da sivîlan biparêzin û vegera derbideran dabîn bibe.
Her wiha Endaman doz li balyozan kirin ko daxwazên wan bigihînin Paytextên Welatê xwe û kar ji bo piştgiriyeke navdewletî ji şoreşa Sûriyê re peyda bikin û fişarê bidine ser Rêjîma Îranî û ya Sûrî ji bo li çareseriya siyasî vegerin li gora ko daxuyaniya Cinêvê cîbicî bibe. Da Desteyeke desthiltdara veguhêz ku karibe bi hemû karûbaran rabe damezirînin dako karibe tiroristiyê têk bibe.
Jêder: Hevbendî
