Desteya Siyasî ya Hevbendiya Niştimanî ya Sûrî, civîna xwe ya rolane bi Serokatiya Serokê Hevbendiyê D. Nesir Elherîrî lidar xist, û behsa pêşhatên rewşa meydanî û siyasî kir.
Û amadebûyan gera meydanî yaku Hevbendiya Niştimanî li deverên rizgarkirî pê rabûye û serdanên ku Serokê Hevbendiyê û Emîndarê Giştî û Sekretêrê Desteya Siyasî û endamên herdû Desteyên Siyasî û Giştî li ser baregeh û saziyên Hikûmeta Sûrî ya Demkî pêk anîne, û rewşa birêvebirina kar tê de berçav kirin, û li ser hevdîtinên berhemdar li gel beşên cûrbecûr ji gelê Sûrî axivîn.
Û Elherîrî tekez kir ku pirojeya Hevbendiya Niştimanî berê û niha pirojeya bihêzkirina Hikûmeta Sûrî ya Demkî ye, ji bo dîtina mîkanîzma rêveberiyeke navendî li sûriyê, û cextî li ser pêwîstiya berdewamiyê di xurtkirina pêwendiyê di navbera Hevbendîyê û Hikûmeta Sûrî ya Demkî de kir.
Û amadebûyan birêketina xola pêncemîn ya karên Komîteya Destûrî ya Sûrî û tiştên di roja yekemîn de çêbûne gengeşe kirin, û cextî li ser pêwîstiya guhartina mîkaanîzma kar di Komîteya Destûrî de ji bo gihîştina encamên kar yên dawîn û dariştina destûrekî nû kirin.
Û Cîgirê Serok D. Ebdulhekîm Beşar, şiroveyek li ser pêşketinên diyaloga kurdî-kurdî pêşkêş kir, û cext kir ku biryara Encûmena Niştimanî ya Kurd zelal e, ew jî ya rêkeftin li ser her tiştî be an dê rêkeftin ji kok de tune be.
Û Beşar got ku pênc xalên sereke hene derbarê rêkeftinê û bêyî wan rêkeftin çênabe, ew jî ev in: girêdana li gel rêxistina PKK ya di lîsteya terorê ya Emrîkî û Ewropa de hatiye were birîn, şervanên biyanî ji sûriyê derkevin, guhartina rêbazên hînkirinê, serbestberdana tevaya girtî û yên hatine revandin û guhartina peymana civakî û rakirina leşkeriya neçar.
Û Cîgirê Serok Uqab Yehya li ser hevdîtinên diyalogî yên ku Komîteya Cezîre û Ferat li gel xelkê hersê parîzgehên rojhilat Dêra Zorê, Reqa û Hesekê pêk anîne û encamên dawîn yên avakirina desteyên siyasî yên nûnertiya wan parêzgehan dikin axivî.
Û Cîgira Serok Ruba Hebûş şiroveyek derbarê serdana ofîsa ciwanan û ya jinê li Ezazê ya gundewarê Heleb û temaşekirina li karê di ofîsan de û pilan û mîkanîzmên nû yên ku dê herdû ofîs di dema dahatî de pê rabibin pêşkêş kir.
Û Emîndarê Giştî Ebdulbasit Ebdulletîf çalakiyên ofîsa Hevbendiya Niştimanî li deverên rizgarkirî û danûstandinên ofîsan û pêwendiyên li gel çalakiyên şoreşgerî li deverê berçav kirin, û tekez kir ku çalakî û hevdîtinên girîng bi awayekî berdewam lidar dikevin.
Jêder: Ofîsa Ragihandinê ya Hevbendiya Niştimanî ya Sûrî