Desteya Siyasî ya Hevbendiya Niştimanî ya Sûrî civîna xwe ya rolane duh roja pêncşemê li dar xist, têde behsa pêşhatên rewşa meydanî û siyasî kir, û li hejmarek ji şîroveyên li ser karên Nûnergehên Hevbendiya Niştimanî li dewletên deverê û Yekîtiya Ewropayê û raporên rêvebirî û girûpên kar û toran guhdarî kir.
Û di civînê de şiroveyek ji aliyê Serokê Hevbendiya Niştimanî Hadî Elbehra ve hate pêşkêşkirin, têde li ser dawîtirîn pêşketinên siyasî û şopandina xebat û çalakiyên Girûpên Kar û rêxistinkirina karê Desteya Serokatiyê bo cîbicîkirina plana Hevbendiya Niştimanî û nerîna wê li ser asta karê xwecihî û diplomatîk, her wiha danîna xiştekarekê bo lidarxistina civatên heyvane li gel nûnerên navdewletî yên dosya Sûrî axivî.
Û Elbehra li ser civata li gel Sendîkaya Parêzerên Azadîxwaz şaxê Helebê axivî, û tekezî li ser rola girîng a sendîka û yekîtiyan li deverên rizgarkirî û xurtkirina yekdestî û kartêkeriya wan bo xizmeta endamên wan û rêxistinkirina karên wan ên ji bo pêkanîna hêviyên gelê Sûriyê yê ji bo wan serî hildaye û giringiya Sendîkaya Parêzerên Azadîxwaz û rola wê di sîstema karê yasayî û sendîkayî de kir, û cextî li ser pêwîstiya pabendbûna bi biryarên dadgerî yên ku tevaya aliyan pejrandine ku ew bibin bingeha çareserkirina nakokiyên navxweyî yên ku bi rêyên lihevkirinê çareser nabin kir, û tekezî li ser pabendbûna bi rêzikên navxweyî di tevaya saziyên şoreşê de wek bingeh ji çi pirsgirêkên rêxistinî re kir.
Û kurte şiroveyek li ser civata Serokatiya Hevbendiya Niştimanî li gel Revenda Sûrî li Amerîkayê ya ku ji aliyê Girûpa Karê Revendan ve hatiye birêvebirin pêşkêş kir.
Û Cîgirê Serok Ebdilmecîd Berekat rapora karê xwe pêşkêş kir, têde li ser amadekariyên Yekîtiya Xwendekarên Sûrî yên Azadîxwaz derbarê danîna planekê ji bo karê komîteya navendî ya hilbijartinan axivî, û li ser çalakiyên ku Desteya Werziş û Ciwanan di Hikûmeta Sûrî ya Demkî de pê radibe û pêngavên ku davêje ji bo temamkirina pergala xwe ya rêxistinî û berdewamkirina çalakiyên wê axivî.
Û Desteya Siyasî plana karê Hevbendiya Niştimanî li deverên rizgarkirî di heyva dahatî de, ya ku hejmarek ji workşopên pisporî li ser rewşa mirovî û aborî li deverên rizgarkirî û hevdîtin û yaneyên siyasî û beşdariya di çalakiyên sivîl û civakî û rewşenbîrî de tê de hene gengeşe kir.
Û amadebûyan li şiroveyekê li ser karên ofîsa Hevbendiya Niştimanî li bajarê Gazîentabê û şopandina rewşa ku penaberên Sûrî têde dijîn guhdarî kirin.
Jêder: Ofîsa Ragihandinê ya Hevbendiya Niştimanî ya Sûrî
