Desteya Siyasî ya Hevbendiya Niştimanî ya Sûrî, civîna xwe ya rolane li dar xist, û pêşhatên rewşa meydanî û siyasî û hewildanên berdewam ên rijêma Esed ji bo yasayîkirina guhertina dîmografî ya ku ji destpêka şoreşa Sûriyê ve pêk tîne gotûbêj kirin.
Û amadebûyan pirojeya guhartina yasaya rewşa kesayetî ya sivîlan û dosyên belgeyên wan li Ofîsa Nifûsê ji aliyê rijêmê ve gengeşe kirin, û tekezî li ser metirsiya vê guhartinê li ser Sûriyê kirin, ji ber ku ew şêweyek ji şêweyên yasayîkirina piroseya guhertina demografî ya ku rijêm pêk tîne ye, ji bo hêsankirina dana regeznameya sûrî ji milîsên mezhebî re.
Û Rêvebirê Yekîneya Piştgiriya Encumenên Xwecihî Behcet Hacjar, şiroveyek li ser konferansa “sivîltî” ya ku heyva bûrî hatibû lidarxistin pêşkêş kir, û got ku armanca wê konferansê ne ji bona avakirina desteyên ku rikberiyê bi laşên opozisyona siyasî ya fermî re bikin e, û bal kişand ser ku asta daxwazên daxwiyaniya dûmahî ji yên rikberiya siyasî derbarê cîbicîkirina biryara 2254 û vegera bi dilê xwe û ewle ya penaberan necuda ye.
Û Hejjar kurteşiroveyek li ser 7emîn Konferansa Bexişînkaran a Brûkselê û sozên ku bexşînkaran dane, û tekeziyên Yekîtiya Ewropa, Brîtanya û Amerîkayê di konferansê de diyar kirine ji bo redkirina asayîkirina têkliyan bi rijêma Esed re, pêşkêş kir.
Û amadebûyan li rapora Ofîsa Lêkolîn û Belgeyan ya derbarê Heftemîn Konferansa Brûkselê guhdarî kir, ya ku têde behsa giringiya konferansê li gor gerên berê, û giringtirîn helwestên beşdaran têde, û qebareya pereyên ku wê bên dan, û asta guncavbûna wan bi pêdiviyên mirovî yên li Sûriyê re, kirin.
Û Desteya Siyasî li lêkolîneke berfireh li ser damezrandina Saziyeke Serbixwe ya Taybetmend bi Kesên Winda li Sûriyê, ya ku di 29ê Hezîranê de ji aliyê Encûmena Giştî ya Netewên Yekbûyî ve hatiye pesendkirin, bi armanca eşkerekirina çarenivîsa windayan û cihê mana wan li Sûriyê, û pêşkêşkirina piştevaniya baş ji qurbanî û kesên rizgarbûyê û malbatên windayan re, guhdarî kir.
Jêder: Ofîsa Ragihandinê ya Hevbendiya Niştimanî ya Sûrî
