Desteya Siyasî ya Hevbendiya Niştimanî ya Sûrî, îro Pêncşembê, civîna xwe ya rolane li dar xist, û têde li ser pêşhatên rewşa meydanî û siyasî û serkeftina xebatên hevbeş di navbera Hevbendiya Niştimanî û Hikûmeta Sûrî ya Demkî û rêxistinên civaka sivîl û çalakvanan de, ên ji bo rêdana nexweşên penceşêrê da ji bakurê Sûriyê derbasî nexweşxaneyên Tirkiyê bi mebesta dermankirinê bibin, axivîn.
Û Serokê Hevbendiya Niştimanî Salim Elmislit, kurteşiroveyek li ser peywendiyên li gel Hikûmeta Tirkiyê ji bo dermankirina nexweşên penceşêrê û rêdana wan da derbasî axa Tirkiyê bibin, pêşkêş kir, û spasiya bersivdana Hikûmeta Tirkiyê kir, û rola Hikûmeta Sûrî ya Demkî û rêxistinên civaka sivîl û çalakvan û rojnamevanan di ronîkirina derdeseriyên nexweşên penceşêrê de û alîkarîkirina di çareserkirina vê pirsgirêka mirovî ya girîng de bilind nirxand.
Û Hevrêzkarê Ofîsa Karûbarên Penaberan, Selîm Idrîs, raporek li ser rewşa penaberan li Tirkiyê û peywendiyên berdewam bi Hikûmeta Tirkiyê re ji bo çareserkirina rewşa sûriyan pêşkêş kir, û pirsgirêka penaberên Sûrî yên li Îraqê ên ku Hikûmeta Îraqî dixwaze wan radestî rijêma Esed bike, berçav kir, û tekezî li ser pêwîstiya karekî bilez kir, ji bo ku rê li pêşiya radestkirina wan bigrin, ji ber ku ev yek metirsiyê li ser jiyana wan çêdike.
Û Îdrîs behsa rewşa kesên rizgarbûyî ji keştiya binavbûyî ya li peravên Yonanistanê û rewşa xirab ya ku li Yonanistanê têre derbas dibin kir, û daxwaza pêwîstiya pêwendiyan li gel aliyê yonanistanî kir, da ku termên qurbaniyan radestî malbatên wan bikin û cinaze berî ku bên naskirin neyên binaxkirin.
Û Cîgirê Serok Ebdulehed Istêfo raporek li ser kar û çalakiyên Desteya Têkiliyên Derve û karên nûnergehên Hevbendiya Niştimanî û çalakiyên wê pêşkêş kir.
Jêder: Ofîsa Ragihandinê ya Hevbendiya Niştimanî ya Sûrî
