Desteya Siyasî ya Hevbendiya Niştimanî ya hêzên şoreş û rikberiya Sûriyê bi amadebûna serokê Hevbendiya Niştimanî Enes al-Abda civîna xwe ya asayî lidar xist, ji bo gotûbêjkirina pêşketinên ji encama êrîşa leşkerî ya ji hêla rejîma Esed û Rûsya li ser Idlib û gundewarên wê, tevî gotûbêjkirina rewşa giştî li deverên rizgarkirî, û pêşkêşkirina karê hikumeta demkî li wan deveran û pêdaçûna karê Komîteya destûrî.
Civîn bi pêşkêşkirina raporta meydanî destpê kir, têde rewşa leşkerî ya niha ya operasyonên şer, û rapotrên tawanên şer ên hêzên rêjîmê û Rûsya li Idlib û gundewarên wê, û armanckirina sivîlan û saziyên bijîjkî û navendên giring, tevî hejmara mirovên derbider ji encama van operasyonan hatin behskirin.
Serokê Hevbendiya Niştimanî Enes Al-Abda, got ku Hevbendiya Niştimanî di çend rojên borî de têkiliyên fireh bi welatên dost re kirin, bi daxwaza rawestandina bombebarana li ser Idlibê.
Wî tekez kir ku divê civaka navdewletî vê êrîşa bi piranî li dijî sivîlan ne şermezar bike û wê rawestîne.
Endamên desteya sîyasî, rewşa derbider û koçberan li herêmên rizgarkirî û awayê xebata wezareta kargêriya xwecihî gengeşe kirin, ji bo misogerkirina nûnertiya koçberan di encumenên xwecihî de
Civînê behsa encamên xula yekemîn ya Komîteya Destûrî ya Sûrî ya li Cenêvê kirin, û Ofisa têkiliyên derveyî, Ofîsa şêwirmendiya stratejîk û buroya lêkolînan ji bo lêkolînên ramanên destûrî yên ku di civînên vekirinê de hatine pêşinyarkirin, û ji bo pêşdîtin û nêrîna xwe ji bo encamên xebata Komîteyê diyar bikin.
Di civînê de tekezî li ser giringiya xebata Netewên Yekbûyî hate kirin, ji bo destpêkirina selikên mayî, digel karê Komîteya destûrî, û tekez kir ku danîna destûreke nû ji bo welat têra gihiştina çareseriyek siyasî li gorî biryarên NY nake, nemaze daxuyaniya Cenevre û biryara 2254.
Jêder: Ofisa Ragihandina Hevbendiya Niştimanî Sûrî
