Desteya Siyasî ya Hevbendiya Niştimanî ya Sûrî, îro duşemê, civîna xwe ya rolane li dar xist, têde raporên rêvebirî, ofîs û komîteyan û pêşhatên rewşa meydanî û siyasî di dosyaya Sûriyê de gotûbêj kirin.
Û kesên amade li ser gurkirina helmetên ku rijêma Esed li Deraa pê radibe, axivîn, û hişyarî dan ji destpêkirina operasiyoneke leşkerî ya rijêmê li deverê û pêkanîna tawanên nû yên kuştin û koçberkirinê dermafê nişteciyên deverê.
Û Hevrêzkarê Ofîs û Şepêlên Siyasî Ebdula Gado li ser hevdîtina Ofîsê li gel serkirdeyên Partiya Komarî ya Sûrî, ya ku têde behsa pêşhatên rewşa siyasî û mîkanîzma pêwendiyan di navbera partî û şepêlên siyasî yên Sûrî de kirine axivî, û tekezî li ser berdewamiya Ofîsê di pêwendiyên li gel partî û şepêlên siyasî yên Sûrî de û tevlêbûna nûnerên wan da ku di Hevbendiya Niştimanî de kartêker bin kir.
Û hevrêzkarê Ofîsa Karûbarên Penaberan ya Hevbendiya Niştimanî ya Sûrî Selîm Idrîs, behsa rewşa penaberên Sûrî li Libnanê û derbiderên li bakurê Sûriyê piştî bombebarana balafirên cengê ên rijêma Esed di dema dawî de kir, her weha rewşa kampa Elrukban ya derbideran û çawaniya gihandina alîkariyan bo kampê ji hêla Rêxistina Sûrî ya Rewşên Awarte ve, gengeşe kirin.
Jêder: Ofîsa Ragihandinê ya Hevbendiya Niştimanî ya Sûrî
