Desteya sîyasî ya Hevbendiya Niştimanî ya Hêzên Şoreş û Rikberiya Sûrî, civîna xwe ya heftane îro li dar xist, û tê de gurkirina helmeta leşkerî li ser Idlib û gundewarê wê û tewanên ku derheqê sivîlan têne kirin ji hêla rêjîm û rûsiya ve gengeşe kirin, û derbarê bandora pesendkirina yasaya Qeyser li ser doseya sûrî axivîn.
Û desteya siyasî tekez kir ku dijminkariya berdewam li ser Idilb û gundewarê wê tewanên cengê yên mezin in, û got ku rewşa Idlibê hewcedarî civateke bilez a Encûmana Asayîşê ye, nemaze piştî berdewamiya amanckirina komelgehên welatiyan û avahiyên gelemperî û dezgehên bijîşkî ji hêla balafirên rêjîmê û rûsiya ve, û bi ser de armanckirina karwnên derbideran.
Û desteya siyasî dît ku armanckirina derbideran gurkirineke metirsîdar e di warê tewanên cengê de, û armanckirina bimebest ji bêgunehan re bi armanca pêkanîna komkujyan e, û got ku ev gurkirina leşkerî fişareke mezin e li ser sivîlan da wan bighînin rewşa xweradestkirinê, û hişyarî ji pêkanîna boblateke mirovahî dan, eger civaka navdewletî di bêdengiya xwe de berdewam be, û nikaribe biryarek cidî û vebir bistîne bo rawestandina tundûtûjiyê, û vegera li cîbicîkirina biryarên navdewletî.
Û endaman bang dan revenda sûrî li tevaya dewletên cîhanê, da metingên nerazîbûnê li pêşiya qunsulxane û balyozxaneyên Rûsiyê li dar bixin, ji bo protestokirina komelkujiyên berdewam ên dijî sivîlan li sûriyê dibin, û şermezarkirina piştgirya wê ji rijêmê re û beşdariya wê di cenga dijî sivîlan de.
Herweha endamên desteya siyasî girîngiya nûkirina biryara navdewletî a taybet bi gihandina azad ji alîkariyên mirovahî bo hewcedarên sûriyê di riya deriyên sînorî re tevî yên di bin kontirola rêjîmê de gengeşe kirin, û tekez kirin ku 13 miliyon mirov li deverên têvel li sûriyê sûdê ji van alîkariyan werdigrin.
Endaman cext li ser girîngiya yasaya Qeyser kirin, û hêviyê xwe anîn ziman derbarê zagona Qeyser, û dîtin ku ew yasa destpêka qonaxeke nû ye di danûstandinên civaka navdewletî de, li hember tewanên berdewam ji hêla rêjîma Esed û siponserên wê ve derheqê sivîlên sûriyê.
Jêder: Ofîsa Ragihandinê ya Hevbendiya Niştimanî ya Sûrî
