Desteya Siyasî ya Hevbendiya Niştimanî ya Sûrî, civîna xwe ya rolane duh pêncşemê bi amadebûna Serokê Hevbendiya Niştimanî Salim Elmislit li dar xist, û pêşhatên rewşa meydanî û siyasî nemaze pêşketinên rojhilatê Ferêt û Siwêda gotûbêj kirin.
Û Serokê Hevbendiya Niştimanî şiroveyek li ser civîna vê dawiyê li gel Şandeyê Wezareta Derve ya Amerîkayê ya ku têde giringî dabû tevgera aştiyane li Siwêda û daxwazên xelkê yên rûxandina rijêma Esed, her wiha dijminkariya ku milîsên PYDe yên terorîst dermafê sivîlên rojhilatê Ferêt pêk tînin, pêşkêş kir.
Û endamên Desteya Siyasî tekezî li ser hebûna mafê êlên ereb di rizgarkirina xaka xwe ya çeteyên Qendîlê û destekên wê yên Sûrî dagîr dikin kirin, û cext kirin ku nakokiya niha li Dêra Zorê ne nakokiyeke di navbera kurd û ereban de ye, lêbelê ew di navbera xwediyên xakê û rêxistinekê ku xwedana ejindeyên derveyî yên xerab de ye.
Û amadebûyan rewşa meydanî nemaze gurkirina leşkerî li Idlibê û gundewarê Helebê ji hêla rijêma Esed û Rusya ve û bombebarana hevbeş a hêzên rijêmê û milîsên PYDe yên terorîst li ser deverên rizgarkirî ya ku bûye sedema şehîdbûna hejmarek ji sivîlan û birîndarkirina bidehan, û wê yekê hiştiye ku niştecî berve deverên dûrî bombebaranê derbder bibin, berçav kirin.
Jêder: Ofîsa Ragihandinê ya Hevbendiya Niştimanî ya Sûrî
