Girûpin ji xelkê parêzgeha Deraa û xelkê Şehba û gundên wê, îro roja înê, gihiştin qada Elkerame da ku beşdariyê di xwepêşandanên ku daxwaza guhertina siyasî û rûxandina rijêmê dikin de bikin.
Û xwepêşanderan pankart bilind kirin ku li ser hinan hatibû nivîsîn: “Em azadiyê dixwazin, ey Beşar, te bivê an nevê, em ê bigihîjin azadiyê”, “Bijî Sûriya û birûxe Beşar Esed”, “We peyvên welatparêziyê difirotin me, ta ku we welat jî firot”.
Û xwepêşanderan wêneyekî mezin yê sembola niştimanî û serwerê şoreşa Sûrî ya mezin Sultan Başa Eletreş bi ser avahiya li hember qada Elseyr/ Elkereame de berdan, hevdemî li gel çirandina wêneyên serokê rijêmê û bavê wî ên li ser saziyên fermî li parêzgehê.
Tê zanîn ku xwepêşandanên îro roja înê bi beşdariya curbecur pêkhatên welêt li dar ketin, û şandeyên êlan amade bûn, her weha hespên erebî yên resen jî li qada Elkerame li nîvê Siwêda hatin xuyakirin.
Jêder: Ofîsa Ragihandinê ya Hevbendiya Niştimanî ya Sûrî
Tags: Siwêda – Qada Elkerame – Rûxandina Rijêmê
