Desteya siyasî ya Hevbendiya Niştimanî ya Hêzên Şoreş û Rikberiya Sûrî, îro pêncşembê, civîna xwe ya heftane lidar xist, têde giringî dan rewşa meydanî û leşkerî li Idlibê, û binpêkirinên ku dijî penaberên Sûrî li ser sînorê Sûrya û Yonanistanê dibin.
Di destpêkê de Ofîsa Têkiliyên Leşkerî rewşa leşkerî û ziyanên li Rûsiya û milîsên Îranê û hêzên Esed bûne ji destpêka operasyona Mertala Beharê de şirove kirin, û behsa moralên bilind ên şervanên Artêşa Niştimanî ya Sûrî piştî bidestxistian pişgiriya asîmanî ji artêşa Tirkiyê kirin.
Û serokê Hevbendiya Niştimanî Enes Alabda, encamên hevdîtina xwe a, îro pêncşemê, bi şanderê Amerîkî yê taybet bo Sûriyê balyoz James Jeffrey re, û behskirina avakirina devereke aram li bakurê Sûriyê ji bo parastina sivîlan ji dijminkariya Rûsiya ya berdewam, her weha gengeşekirina girngiya piştgiriya operasyona Mertala Beharê û karûbarên siyasî û hewarçûnê, anî ziman.
Û Alabda diyar kir ku civîn pir giring bû, û têde lihevkirin li ser gelek ji kêşeyên rawestyayî di dosyayên meydanî û siyasî de hat kirin, û got: Cîbicîkirina van lihevkirinan dê guhertinekê di pêvajoya şoreşa Sûrî de çêke, derbarê agirbestê û derbasbûna pirosesa siyasî bi rengeke cedî, û cîbicîkirina biryara 2254, û avakirina desteyeke hukumdariya veguhêz bê hebûna Esed û tewankarên cengê.
Herweha hevserokê desteya destûrî Hadî Albehra, şiroveyek li ser hevdîtina bi şanderê navdewletî yê taybet bo Sûriyê Ger Pederson re, yê ku ji aliyê xwe ve behsa pêşinyara rijêmê derbarê xişteya kar ya gera sêyemîn a komîteya destûrî kir, şirove kir.
Û Albehra di axaftina xwe de got ku hîn rijêm berepêkan dide derbarê derbasbûna pirosesa siyasî, û hîn jî berdewam e di pêşkêşkirina pêşinyarên ji dervî desthilata komîteya destûrî, yên di belgenameya damezirandina wê ya ji hêla emîndarê giştî yê Netewên Yekbûyî ve hatibû kirin.
Û endamên desteya siyasî behsa rewşa penaberên Sûrî yên li ser sînorê Tirkiyê û Yonanistanê kirin, piştî sardana hevrêzkara karûbarên penaberan Emel Şêxo ji devera kombûna penaberan li devera “Ederne”re kirin, û endaman tekezî li ser şermezarkirina xwe ya tund ji binpêkirinên ku dijî penaberan dibin li ser destê desthilatên Yonanistanê kirin, û daxwaz ji karsiparteya bilind ya karûberê penaberan kirin ku bi şêweyekî bilez destêwerdanê bikin ji bo rawestandina binpêkirinên dijî penaberan dibin.
Jêder: Hevbendiya Niştimanî ya Hêzên Şoreş û Rikberiya Sûrî
