Hevbendiya Niştimanî ya Hêzên Şoreş û Rikberiya Sûrî, îro pênşembê, civîna xwe ya rolî lidar xist, û pêşveçûnên herî dawîn li Idlib û gundewarê Helebê gegeşe kirin, û bal kişand ser tawanên ji hêla dagirkeriya Rûsya û milîsên mezhebî yên Iranî û hêzên rêjîmê dermafê sivîlan.
Û Endaman pêwendiyeke vîdyoyî li gel Encûmena Wezîran a Hikûmeta Sûrî ya Demkî pêk anî, û Serokwezîrê Hikûmeta Demkî Abdilrahman Mustafa şiroveyek derbarê karên Hikûmetê li ser asta deverên azad û rewşa pêşkêşkirina piştgiriyê ji derbider û koçberan re pêşkêş kir.
Û wezîrê bergiriyê û endamên Ofîsa Têkiliyên Leşkerî nexşên leşkerî û rewşa meydanî û amedebûna şervanan di hemû aliyan de li ser enîyên şer şirove kirin, û tekezî li ser bilindbûna moralên şervanên Artêşa Niştimanî kirin, û gotin ku ew herdem amade ne, ji bo hemberiya êrîşên Rûsî û bergiriya di ber gel û xakê de .
Û bal kişandin ku hevrêziyeke bilind bi aliyê Tirkî re derbarê pilanên leşkerî û rêvebirina şerên li ser xakê heye.
Û Serokê Hevbendiya Niştimanî ya Hêzên Şoreş û Rikberiya Sûrî, Anas Alabde, şîroveyek derbarê ancamên danûstandinên ku Hevbendîya Niştimanî bi rengekî berdewam bi dewletên dost û bira re dike pêşkêş kir, herweha behsa danûstandin û hevrêziya bi aliyê Tirkî re dibe derbarê rewşa xeternak li Idlibê û gundewarê Helebê kir, û tekez kir ku bêkêriya navdewletî û nerabûna wê bi erkên xwe yên yasayî derbarê cîbicîkirina biryarên navdewletî û parastina sivîlan tiştekî nebûyî û bêwêne ye, û got ku “Em ne behsa sozan dikin, lê behsa biryarên navdewletî yên ku Encûmana Ewlekariyê li ser îmze kirîye û derxistine dikin”û got ku” Em li hember rewşeke xeternak in, ya ku tenê em karin wê bi ‘pîlangerîyê’ binav bikin .
Û got ku em û Tirkiyê di heman çeperê da ne, û Serbazên Artêşa Niştimanî û Serbazên Tirkiyê li kêlek hev dijî êrîşên ku sivîlan armanc dikin şer dikin, û tekez kir ku ti rê ji bilî xweragiriyê li pêşiya me nema ye.
Û ji aliyê xwe ve Ofîsa Pêwendiyên Derve behsa çalakiyên xwe yên derbarê gihandina belgeyên girêdayî bi tewanên cengê yên ku Rûsiya û rêjîma Esed û milîsên Iranî dermafê sivîlan dikin bo dewlet û rêxistin û aliyên yasayî û navdewletî kir, û bi taybet derbarê rûdanên vê dawiyê li Idlib û gundewarê Helebê dibin.
Û Ofîsa Karûbarên Penaber û Derbideran, şiroveyek li ser rewşa derbider û koçberan û cihên ku ew lê belav bûne û pêdviyên wan ên sereke pêşkêş kir, herweha Encamên name û hevdîtinên vê dawiyê bi aliyên piştgir û guhdanên wan ên yekser bo pêşkêşkirina alîkariyan ji penaberan re zelal kirin.
Û Endamên Desteya Siyasî li ser civîna Encûmena Ewlekariyê ya ku duh êvarê pêk hat rawestiyan, û mijara redkirina rûsiya ji derxistina biryara agirbestê li Idlibê re gengeşe kirin, û herweha behsa şiroveya şanderê Navdewletî bo Sûriyê Gîr Bêdirson kirin.
Jêder: Hevbendiya Niştimanî ya Hêzên Şoreş û Rikberiya Sûrî
