Desteya Siyasî ya Hevbendiya Niştimanî ya Sûrî bi dirêjiya rojên Çarşem û Pêncşemê, li ser bandorên erdheja wêranker rawestiya, û hejmarek ji biryarên giring ji bo kêmkirina bandorên erdhejê li ser kesên ku li bakurê Sûriyê ziyan dîtine, standin.
Û Sekreterê Desteya Siyasî Ebdulmejîd Berekat, diyar kir ku Hevbendiya Niştimanî û saziyên wê yên cîbicîkar ji roja yekê ve bi hevkariya li gel tîmên rizgarkirinê û Berevaniya Sivîl û rêxistinên hawarçûnê kar dike, ji bo kêmkirina ziyanên vê bobelata ku ji şiyana hejmareke mezin ji dewletan mezintir e, .
Û bal kişand ser wê yekê ku Hevbendiya Niştimanî dest bi zincîreyek ji pêwendiyan bi Netewên yekbûyî û rêxistinên navdewletî û dewletên dost û birayên gelê Sûriyê re kir, ji bo piştgiriya tîmên rizgarkirinê û Berevaniya Sivîl û avakirina pireke asîmanî ji bo peydakirina alîkariyê ji koçberan re.
Û Berekat amaje bi wê yekê kir ku qebareya bobelatê mezin e û pêwîstî bi karên hevaheng yên hemû aliyan heye, û got ku Hevbendiya Niştimanî komîteyeke lezgîn ji bo şopandina ziyanên erdhejê li ser hemû astan li gel Hikûmeta Sûrî ya Demkî û yekîneya Hevrêzkariya Piştgiriyê û Parastina Sivîl ava kir.
Û ji aliyê xwe ve endamê Hevbendiya Niştimanî Eymen Elasimî, behsa dabeşkirina karê Hevbendiya Niştimanî li ser du beşan kir, beşê yekem siyasî û diplomatîk e, û yê duyem mirovî ye.
Û Elasimî bal kişand ser ku civaka navdewletî di rizgarkirina qurbaniyên erdhejê de paşde maye, û got ku alîkarî bi awayê guncaw û di dema xwe de negihiştin hewcedaran, tevî ku hemû deriyên sînorî yên di navbera Tirkiya û Sûriyê de vekirî ne.
Û ji civaka navdewletî xwest ku rê nede rijêma tawankar ku xwe di riya bikaranîna vê bobelatê re biser bixe, û tekez kir ku ew dosyayeke mirovî ye û divê dûrî bikaranîna siyasî be.
Jêder: Ofîsa Ragihandinê ya Hevbendiya Niştimanî ya Sûrî
