Îro desteya siyasî ya Hevbendiya Niştimanî ya hêzên şoreş û rikberiya sûriyê , bi rêka (skype) civînek digel endamên encûmena xwecihî ya parêzgeha Humisê girêda, têde serokê Hevbendiyê Enes Ele’bide û cîgirê wî Miwefeq Nêrebiyê û sikirtêrê giştî Ebdulîlah Elfehid û hejmarek ji endamên desteya siyasî amade bibûn.
Di civînê de Hevbendiyê li axaftina serokê encûmena xwecihî Ebû Wail Îdrîs û li peyvên endamên encûmena xwecihî derbarê rewşa bajêrvaniyê û jiyanê li parêzgehê guhdarî kir, nemaze di biwarê hawarhatin û xwendin û saxlemiyê de, herwiha serokê encûmenê behsa pirojeyên geşepêdanê yên pê radibin kir, her weha behsa encûmenên şaxan yên encûmena parêzgehê hat kirin.
Îdrîs di axaftina xwe de got ku hejmareke mezin ji qutabiyan hatin wergirtin li peymangehên navincî û di herdu kolîjên Endezyarî û Wêjeyan de, yên ser bi zankoya Helebê ya azad ve,tevî hejmarek ji xwendingrhên seretayî û navincî, û Îdrîs got ku li vê dawiyê kolîja endezyariyê li Resten ji aliyê rêjîma Esed hat bombebarankirin û ziyanên mezin li wan bûn û bû egerê astengkirina pirosêsa xwendinê li wê kolîjê.
Herwiha encûmena xwecihî pêdaçûnek li ser giringtirîn rûbirûbûn û astengiyên rêvebirina navçeyên rizgarkirî û yên dorpêçkirî li Humisê û nemaze li taxa Elwe’ir pêşkêş kir, û qeyrana (nan) ya ku rêjîma Esed li ser wan bikar tîne ji bona sepandina agirbest û lihevhatinên xwecihî , û encûmenê diyar kir ku xelk derdikevin xwepêşandanên şoreşgerî û têde piştgiriya desteya bilind ya danustandinan dikin ji bona pêkanîna veguhestina siyasî.
Ji aliyê xwe ve Hevbendiyê giringtirîn pêşhatên siyasî pêşkêş kirin, nemaze piroseya danustandinan ya niha li Jinêv dibe, û herwiha bi diyarkirina xalên serekî yên pirojeyê veguhestina siyasî û qonaxa veguhêz, her wek Jinêv kar li ser dike.
Ji aliyek din desteya siyasî destxweşî li encûmena xwecihî kir li ser rêvebirina wê ji fayîlên cuda-cuda re û herwiha destxweşî li xelkê parêzgehê kirin, li ser xwepêşandanên vê dawiyê ku têde gelê me pêgiriya xwe bi şoreşê carek din dupat kir, tevî hemû qurbaniyan ku hêjî berdewam e û qurbaniyan pêşkêş dike.
Serokê Hevbendiyê got: ku “cenga siyasî heman cenga serbazî ye, ku veger têde nîne, û pêwîst e hemû alavên berdest bên bikaranîn ji bona serkeftinê”, û got ku xwepêşandanên aştiyane yên li tevaya sûriyê hatin kirin bûne piştevan ji pêvajoya siyasî re, nekêmtir ji piştgiriya wê ji pêvajoya leşkerî re.
Herwiha daxwaza berdewamiya xwepêşandanan kir, û diyar kir ku xwepêşandan derbirînê ji rastiya şoreşa sûriyê û ji armancên wê ji bo bidestxistina rûmet û azadiyê dike, dûr ji rêjîma serkutker û terorîst û stemkar.
Jêder: Hevbendî
