Desteya Zanyarên Misilman li Libnanê, di daxwiyaniyeke xwe de derbarê rewşa ku penaberên Sûrî li Libnanê tûşî wê dibin, tekezî li ser piştgiriya xwe ya tam ji gelê Sûriyê yê bira û şoreşa wî ya rûmetdar re kir.
Û daxwiyaniya Desteya Zanyaran, axaftinên nijadperestî, û gotara nefretê û gotinên fitneyê di navbera welatiyan û koçberan de, her weha handan û peydakirina pirsgirêkan di navbera koçberan û dewletê de red kirin.
Û daxwiyaniyê cext kir ku divê zordarê ku kuştin, destdirêjî, koçberkirin û wêrankirin pêk anîne, ji sizayan rizgar nebe, û helbet divê ew bi normalkirina têkliyan pêre neyê xelatkirin.
Û daxwiyaniya Desteyê amaje bi wê yekê kir ku dersînorkirin yan radestkirina derbiderê rikber bo rijêma kujer, guneheke mezin e, û tawaneke sincî û yasayî ye, û ew digihêje asta kuştina bi mebest û tawanên dijî mirovahiyê.
Û Desteyê di dumahiya daxwiyaniya xwe de tekezî li ser parastina rûmet û saxlemiya birayên derbider û pêwîstiya dabînkirina mafên wan û aramkirina nîgeraniyên wan ta vegereke xwebexş û ewle bi garantiyên navdewletî kir, û amaje bi wê yekê kir ku garantiya herî mezin çûna zordar û xizmetkarên wî û paşmayiyên wî ye, her weha derketina milîsên mezhebperest û artêşên biyanî, bi taybetî vekşîna şervanên Libnanî ji xaka Sûriyê.
Jêder: Ofîsa Ragihandinê ya Hevbendiya Niştimanî ya Sûrî