Berpirsiyarên Hevbendiya Niştimanî ya hêzên şoreşê û rikberiya Sûriyê diyar kirin ko destpêşxeriya Netewên Yekbûyî ji bo Helebê kêm e, û palê nade ser çi biryarên navdewletî, û tekez kirin ku ew destpêşxerî di heman dema Rêjîm niştecihên bajar û bajarokên li dora Şama paytext ber bi Idlibê ve koçber dike de hatiye.
Razgirê desteya siyasî ya Hevbendiya Niştimanî Riyad Elhesen got ku destpêşxerî giringiyê dide derxistina niştecihan, bê ko li ser derbaskirina alîkariyên mirovî an parastina sivîlan ji hêla tîmên Netewên Yekbûyî dabîn bibe.
Elhesen bal kêşand ser destpêşxeriyê û civînên doh li Cinêvê çêbûne û kêşeya bingehîn ya sedema qeyrana Helebê çêkiriye piştguh kirine, ku ew jî berdewamiya rêjîma Esed û Rûsya di tawankariyên cengê de ye, di derheqê sivîlan û nexweşxane û navendên pêdiviyên jiyanê, bi bikaranîna bêserûber ji çekên qedexekirî re.
Elhesen destnîşan kir ko di heman çaxê ko şandyarê navdewletî Stîvan Dî Mistora daxwaz kir ko endamên aniya “Feth Elşam” ji Helebê derkevin, wî çavên xwe girtin ji hebûna 18hezar nandozên milîtanên pasvanên şoreşger yên Îranî û milîtanên Heşid Elşebî yên mezhebperest ko li Helebê li kêleka rêjîmê şer dikin û ew hêzên tirorist yên tawankariyên cengê û tawankariyên li dijî mirovantiyê dikin.
Ji aliyê xwe ve endamê desteya siyasî ya Hevbendiya Niştimanî Riyad Sêf got ku amanca Rûsya li Helebê koçberkirina xelkê û valakirina bajêr e, û nuha li Muedemiyê û Qudseya jî dibe, û berê jî li Dareya ko tu endamên Fetih Elşam tê de nîn in jî, lê xelk bi dorpêçan û birçîkirinê ji warên wan koçber kirin.
Bêtir got ko “Rûsya berpirsiyara têkbirina çareseriya siyasî ye, û ya têkbirina agirbestên derbasbûyî ye, ji bo plana koçberkirina kotekî û xizmeta zordariya Esed û Îranê bi vî karî radibe. ”
Sêf gotina xwe wisa bidawî kir: “nabe ko helwesta Netewên Yekbûyî hêsankirina operasiyona koçberkirinê û veşartina wê be, û li hember tawankariyên cengê bêdeng be”. Û daxwaz ji Emîndarê giştî yê nû kir ko li ser helwesta Rêkxistinê ya derbarê Sûriyê raweste, û bi taybetî helwestên nûnerên wê, û daxuyanî û ramanên ko pêşkêş dikin, û kesên zêdegaviyan dikin, ji bo tawankariyên xwe berdewam bikin, wan daxuyaniyan delîve dibînin.
Jêder: Hevbendî
