Endamê Hevbendiya Niştimanî ya Sûrî Eymen Elasimî, tekez kir ku rijêma Esed rêbaza xwe ya xwîndar naguhêre, û bizavê dike ku heyfa xwe ji her kesê tevlî şoreşa Sûriyê bûye hilîne, eger berûvajî wê jî diyar bike, û cext kir ku rijêmê tevaya soz û peymanên xwe binpê kirin.
Û Elasimî di daxwiyaniyên xwe yên taybet de hişyarî da ji pêwîstiya neanîna baweriyê bi rijêma Esed ya ku kîna tevaya xelkê şoreşê di dilê wê de heye, û got ku operasyonên girtin û kuştinê dermafê herkesî ta bi yên ku rêkeftinên lihevkirinê bi rijêmê re pêk anîne berdewam in.
Û bal kişand ser ku piroseyên belgekirinê yên ku saziyên mafnasî pê radibin, tekez dikin ku rijêm li kesî nabûre, û diyar kir ku dawîtirîn belgeyên di vê derbarê de Komika Azadîxwazên Horanê belav kiribûn, ya diyar kiriye ku ciwanek bi navê Ehmed Mehmûd Xetab, temenê wî 33 sal e, ji xelkê bajarê Newa yê rojavayê Deraa ye, di bin îşkencê de di zindana Sêdnaya ya leşkerî de canê xwe jidest da, piştî çar sal di ser girtina wî re derbas bibûn.
Û Komikê got ku Ehmed Xetab leşker bû û ji hêzên rijêmê cuda bibû, û piştî ku piroseya lihevkirinê bi rijêmê re imza kir xwe radestî hêzên dewletê kir, û tevlî hêzên rijêmê bû, û piştî tevlêbûna wî bi du heyv û nîvan ew girtin û xistin zîndana Sêdnaya.
Û ofîsa belgekirinê di Komika Azadîxwazên Horanê de, berê 105 qurbanî ji xelkê parêzgeha Deraa yên ku di bin îşkencê de di girtîgehên rijêmê de canê xwe ji dest dane tomar kiribû, ji dema ku parêzgeh di tîrmeha sala 2018an de kiriye bin kontirola xwe de ta dawiya heyva mijdara bûrî, û ofîsê kuştina bidehan ji kesên ku ji rijêmê cuda bûne û di bin îşkencê di zindana Sêdnaya ya leşkerî de piştî rêkeftinên lihevkirinê bi rijêmê re di nîvê sala 2018an de canê xwe ji dest dane belge kir.
Tê zanîn ku amûrên asayîşê yên rijêma Esed bi dehan kesên ku berê ji hêzên rijêmê cuda bibûn piştî ku xwe radestî avahiya polîsên leşkerî li taxa Elqabûn li Şamê kirine girtin, tevî ku rijêmê du mersûmên lêborînê derbarê kesên ku ji hêzên rijêmê cuda bûne eger ew xwe radest bikin derxistibûn.
Jêder: Ofîsa Ragihandinê ya Hevbendiya Niştimanî ya Sûrî
