Şanderê navdewletî bo Sûriyê Stîvan Dî Mestora diyar kir ku kaxeza Viyêna giringî daye ku pêwîst e piroseya agirbestê girêdayî be bi piroseyeke siyasî ya resteqîne ve ku alîkar be bi jinavbirina DAIŞê re.
Dî Mestora di axaftinekê de bo Endamên Desteya Siyasî ya Hevbendiya Niştimanî ya hêzên Şoreş û rikberiya Sûriyê, amaje da ku Girûpên çaralî neman û hatin guhertin bi “rawêjkariyên Sûrî-Sûrî”, û ev yek dît wek amadekariyê ji gotubêjên Jinêv 3 yên dahatî re.
Ji aliyê xwe ve, Hevbendiyê cext li ser wê yekê kir ku daxuyaniya Jinêv û biryara Encûmena Ewlekariyê 2118 herdu lêveger in ji kaxeza Viyênayê re, ku ev yek guncayî ye digel nêrîna Hevbendiyê derbarê desteya Fermanraniya Veguhêz ya bi tevaya desthilatan, û di nav de desthilatên serok-komar, û ev yek tekez dike ku cihê rêjîma Esed û desteka wî di qonaxa veguhêz de nîne.
Li aliyek din endamên desteya Siyasî xweşhaliya xwe anîn ziman derbarê vexwendina lidarxistina kongirê opozisyona Sûriyê li Riyad, yê ku wê li ser yekxistina nêrîna opozisyonê der barê çareseriya siyasî û danîna îstratijeyekê bo opozisyonê di qonaxa dahatî de kar bike.
Jêder:Hevbendî
