Hevbendiya Niştimanî tekez kir ku xalên di şiroveya xanim, Izumi Nakamitsu, nûnera bilind ya karûbarê jinavbirina çekan li pêşiya Encûmena Ewlekariya Navdewletî, derbarê ragihandina ku rijêmê ji Rêxistina Qedexekirina Çekên Kîmawî re pêşkêş kiriye, divê ew ragihandin ji aliyên navdewletî ve cihê guhdanê be.
Û Hevbendiyê di daxwiyaniyeke xwe de duh got ku şiroveya nûnera bilind careke din û bi awayekî fermî tekez dike ku rijêma Esed tevî derbasbûna 7 salan, pabendî bi xalên wê peymana kirêt nekiriye, peymana ku çekên rijêmê yên kîmyewî kirin berdêl ji jiyana qurbaniyên tewana vê sedsaliyê re, qurbaniyên ku li ser destê hêzên rijêmê canê xwe ji dest dane, piştî armanckirina Gota Şamê bi topên gaza sarînê.
Û Hevbendiyê got ku Ragihandina ku rijêmê ji rêxistina qedexekirina çekên kîmawî re pêşkêş kirîye, bi çi awayî bawerî pê nabe, û Nakamitsu tekez kir ku 19 pirsgirêkên helawîstî tê de hene, ew jî tê wateya ku rijêm di derw û xapandina civaka navdewletî ji bo ku cebilxaneya xwe ya çekên kîmawî bi çi şêweyê gengaz be biparêz berdewam e, û ew di rijdiya li ser lîstik û paşxistinê di vê doseyê de didome.
Û Hevbendiya Niştimanî bal kişand ser daxwazên ji aliyê girûpek ji dewletên endam di Encûmena Ewlekariyê de heyva bûrî de hatiye pêşkêşkirin, û şopandina rêşûnên girêdayî bi tewanên bikaranîna çekên kîmawî li Sûriyê bibîr tîne.
Û Hevbendîyê bal kişand ser encamên ku Komîteya Lêpirsînê ya girêdayî Rêxistina Qedexekirina Çekên Kîmawî gihîştiyê, yaku rapora xwe di avrêla sala bûrî de derxistiye, û têde diyar kiriye ku hêzên rijêmê bi mebest çekên kîmawî dijî sivîlan gelek caran bikar anîne, û rijêmê hêlên sor li pey hev derbas kirine, û têde 3 êrîşên bi çekên kîmawî destnîşan kirine, 2 jê bi gaza sarînê bûn, û bajarokê Elletaminê yê bakurê parêzgeha Hemayê di heyva adara sala 2017an armanc kir.
Û Hevbendiya Niştimanî cext kir ku doseya tewanan di riya danûstandina li gel tewanbaran çareser nabe, û erkê yasaya navdewletî ye ku vê doseyê veguhêze dadgeha tewanên navdewletî, û tewanbarên berpirs di ber tevaya tewanên bikaranîna çekên kîmawî de li sûriyê ji tewana sedsaliyê ya di tebaxa 2013an de pêk hat ta bighêje hemû tewanên cengê û tewanên dijî mirovahiyê yên li Sûriyê ji sala 2011an de pêk hatine sizayên xwe bibînin.
Û Hevbendîya Niştimanî pêwîstiya danîna xiştekareke demî ji van rêxistinên yasayî ji hêla aliyê çalak ve tekez kir, ew jî li gel karê kontrolkirina van rêşûnan daku hêsan bike û rê li pêşiya tewanbaran bigire, daku hîn bêhtir tewan û binpêkirinan pêk neynin, û nehêlin helwestên navdewletî derbarê bikaranîna çekên kîmawî û pêkanîna komkujî û tewanên cengê û tewanên dijî mirovahiyê normal bibin.
Jêder: Ofîsa Ragihandinê ya Hevbendiya Niştimanî ya Sûrî
