Balyozxana Hevbendiya Niştimanî ya hêzên Şoreşê û hevrikiya Sûriyê û Revenda Sûrî li Elmanya doz li hemû Revenda Sûrî û miletên hevalên Gelê Sûrî kirin, ko tevli xwepêşandana ko wê bête meşandin li pêşiya Balyozxana Rûsî li Berlînê roja Şembiya dahatî 17.10.2015an bibin, ji bo dagîrkirina Rûsya ji Sûriyê re û piştgiriya Potîn ji Beşar Elesed re pirotesto bikin. Hem ji bo piştgiriya gelê Sûrî û ji bo rêzgirtina Pakrewanên ko di bombebarana Rûsya û bermîlên teqîner yên Esed şehîd bûne, û şermezarkirina Civaka Navdewletî ya li himber evan kuştaran bêdeng rawestiyaye.
Balyozê Hevbendiyê li Berlînê Besam Elebdelah got: êrîşên dijminane li ser xaka Sûriyê ji bo rizgarkirina Beşar Elesed in. û destnîşan kir ko Artêşa Rûsî jî bûye şirîka tawankariyê, piştî amanckirina bi mebest ji sivîlan û Artêşa azad re bi Firokan û Mûşekên Palistî, êdî Mûşekên Potîn di kuştina sivîlan de jin û zarokan li Bajarên Sûrî yên rizgarbûyî li pêşiya Bermîlên Esed xistine.
Elebdelah diyar kir ko xwepêşindan dê ji bo redkirina Gelê Sûrî be ji çi çareseriya ku Rêjîma kujer li Şamê bihêle. Daxwaz tekez dikin ko ew sûr in li ser koçkirina Esed û peyayên wî ji desthilatê û her weha dadgehkirina zilamên wî li ser tawankariyên kirine bibe.
Elebdelah got: Rûsya dê bizanibe ko Gelê Sûrî evan kuştarên Firokên Rûsî di derheqê zarokan kirine jibîr nake. Û hem helwesta Rûsya ya li kêleka Esed ê Diktator jibîr nake. Doz li Rûsya kir ko bombebarana xwe rawestîne û di cih de derkeve û piştgiriya Esed neke. Her wiha daxwaz li hemû Sûriyên li Elmanya dijîn kir, ko banga wan bicih bînin û ji bo xwepêşindanê li pêşiya Balyozxana Rûsî li Berlînê derkevin.
Jêder: Hevbendî
