Li ser vexwendina xwecihiya Tiltemir ya bi ser Encumana Niştimanî ya Kurd ve, simînareke siyasî li bajarokê Tiltemir roja Înê 9 Cotmehê hate lidarxitin.
Fesla Yûsif cîgira serokê ENKS simînar pêşkêş kir û têde rewşa siyasî li ser asta navdewletî û ya herêmî şirove kir.
Yûsif bi şêweyekî berfireh li ser pêşveçûnên siyasî li Sûrî axivî û bi taybet dest têwerdana Rûsiya di Sûrî de bi behaneya lêdana DAIŞ û got ku ev destêwerdan ji bo parstina rêjîmê ye.
Li ser rewşa kurdî û bi taybet koçberiya ku di dema dawî de zêde bûye Yûsif got” bê guman devera me bi topan nehatiye topbarankirin û ti şer û pevçûn lê ne qewimîne, lê welatî ji ber biryar û kiryarên rêveberiya bi ser Partiya Yekîtîya Dîmuqrat ve koçber dibin”.
Her wiha Yûsif li ser programên xwendinê yên ku PYD amade kirine rawestiya û da zanîn ku “em tev bi fêrbûna zimanê dayikê re ne lê ne bi vî şêweyî çewit û ne durst”.
Di dawiya simînarê de Fesla Yûsif doz li welatiyan kir ku girêdayî xak û zemîna xwe bin û bervanî û bergiriyê di ber de bikin.
Jêder: Hevbendî