Endamê Desteya Siyasî ya Hevbendiya Niştimanî ya Sûrî Ebdulbasit Ebdulletîf, berdewamiya binpêkirinên milîsên PYDe ên terorîst dermafê sivîlên bêçek li deverên di bin kontirola wan de û kuştina xortê bi navê Mihêdî Hisên Elxelef, ê duh sêşemê di bin îşkenceyê de di girtîgehên wan milîsan de şehîd bûye, bi tundî şermezar kir.
Û Ebdulletîf di daxwiyaniyin taybet de, got ku binpêkirinên milîsên PYDe dermafê sivîlên bêçek hewcedarî dadpirsînê ne, û di pêşî de kuştina di bin îşkenceyê di zîndan û girtîgehên wê sîstemê de, ji ber ku heman şêwazên rijêma zordar bi kar tîne, û ev reftar diçesipînin ku ew li ser heman rêbaza rijêma Esed li deverên di bin kontirola xwe de dimeşin.
Û Ebdulletîf amaje bi wê yekê kir ku ew ciwanê ku di zindanên milîsên PYDe ên terorîst de di bin îşkenceyê de şehîd biûye, 10 heyvan di zindana istixbaratên wan milîsan de li Reqayê û zindana navendî ya bajêr de mabû.
Û Ebdulletîf tekez kir ku wêneyên îşkencekirinê yên ku ji aliyê “Tora Elxabûr” ya xwecihî ve hatine weşandin, bandorên îşkenceya hovane li ser laşê wî xortî diyar dikin, û jidestdana karîna bîranînê û nasnekirina wî ji hevjîna wî re ya ku berî deh rojan serdana wî kiribû, piştrast dike ku ew xort rastî îşkenceya hovane hatibû, ku bûbû sedema jidestdana wî ji karîna bîranînê re .
Û Ebdulletîf cextî li ser wê yekê kir ku pêwîst e rêxistinên mafên mirovan giringiyê bidin tiştên ku di zindan û navendên wan milîsan de pêk tên, û çavên xwe ji tiştên ku li deverên di bin kontirola wê sîstemê de çêdibin negrin, û bal kişand ser ku berdewamiya van binpêkirinan ewlehî û aştiya civakê li wan deveran dixe metirsiyê de.
Jêder: Ofîsa Ragihandinê ya Hevbendiya Niştimanî ya Sûrî
