Endamê Hevbendiya Niştimanî ya Sûrî Eymen Elasîmî, pesnê mana dewleta Qeter û Almaniyayê li ser helwêstên xwe yên derbarê asayîkirina têkliyên hin dewletan li gel rijêma Esed û dîtina çareseriya dadmend li Sûriyê da, û Elasîmî amaje bi wê yekê kir ku baştirîn çareseriya Sûriyê di rêya Cinêvê û cîbicîkirina biryarên navneteweyî re ye.
Û Elasimî di daxwiyaniyin taybet de, îro çarşemê, got ku berdewamiya dewletên Amerîka, Qeter û dewletên Ewropî li ser helwestên xwe ji doza gelê Sûriyê, heye ku lezkirina proseyên asayîkirina têkliyan û vegerandina peywendiyên dewletên deverê bi rijêma Esed re sînordar bike, û got ku ev helwêst dê bibin fişar li ser rijêmê û piştgirên wê li şûna rewakirina wê.
Û herdû dewletên Qeter û Almanya îro Çarşemê di kongirekî rojnamevanî de li Dewhayê, di navbera Serokwezîr û wezîrê derve yê Qeterê, Şêx Mihemed kurê Ebdulrehman Al Sanî, û Wezîra Derve ya Almanya Analina Baerbock, helwêstên xwe dubare kirin û gotin ku “Divê çareseriya ji bo vegerandina aramiyê li Sûriyê, bi razîbûna gelê Sûriyê be.”
Û Al Sanî di kongreya rojnamevanî de amaje bi wê yekê kir ku takeçare ew e, dîtina çareseriyeke dadmend û giştgir ji pirsa Sûriyê re, û got ku çareseriya vegerandina aramiyê li Sûriyê divê gelê Sûriyê razî bike.
Û wezîra derve ya Almanî Annalina Baerbock jî diltengiya welatê xwe ji gavên vê dawiyê yên hin dewletan ber bi asayîkirina têkliyên bi rijêma Esed re anî ziman, û Baerbuck got: “Civaka navdewletî nikare hovîtiya Beşar Esed ji bîr bike, û em daxwaz dikin ku gelê Sûriyê di ewlehî û aramiyê de bijî, û piroseyeke siyasî li Sûriyê hebe.
Ji aliyê xwe ve Hevbendiya Niştimanî ya Sûrî di daxwiyaniyeke xwe ya berî çend rojan de, tekez kiribû ku Operasyonên normalkirina têkliyan xizmeta berjewendiyên gelê Sûriyê nakin, û ne piştgiriya daxwazên wî dikin, û ne jî xizmeta berjewendiyên dewletên bira dikin, û dê kiryarên rijêma Esed ên ji bo jinavbirina ewlehî û aramiya dewletên dost û bira zêde bikin.
Û Hevbendiya Niştimanî ji tevaya dewletan daxwaza birrîna têkiliyan bi rijêma tawankar re, û piştgiriya gelê Sûriyê di riya cîbicîkirina biryarên navdewletî re nemaze herdû biryarên 2254 û 2118 kiribû, û ji wan xwestibû ku bizaveke cidî bo pêkanîna veguhastina siyasî bikin, û demê winda nekin bi dana derfetê ji rijêma Esed re, ji bo bi hîlebaziyan xwe bihêz neke û ji sizayan nereve.
Jêder: Ofîsa Ragihandinê ya Hevbendiya Niştimanî ya Sûrî
