Sekretêrê Desteya Siyasî ya Hevbendiya Niştimanî ya Sûrî Ebdilbasit Ebdilletîf, xweşhaliya xwe bi pêngava Dadgeha Firansî ya derxistina biryara girtinê dermafê kesayetên di nav hêzên rijêma Esed de beşdarî di tawanên cengê li dijî sivîlan de kirine, anî ziman.
Û Ebdilletîf di daxwiyaniyên taybet de, got ku pêngava Firansayê dê dewletên dîtir jî han bide li ser dadpirsîna kesên ku tevlî pêkanîna tawanên cengê û tawanên li dijî mirovahiyê di salên bûrî de bûne.
Û Dadwerin Lêpirsênê di Yekîneya Tawanên Cengê ya Firansayê de, vê dawiyê, biryarên girtinê yên navdewletî dermafê 4 efserên mezin ji hêzên rijêma Esed derxistin, bi sûcê beşdariya wan di tawanên cengê de.
Û Navenda Sûrî ya Ragihandinê û Azadiya Derbirînê roja pêncşemê diyar kir ku biryara girtinê dermafê Lîwa Rukin Fehed Casim Elfirêc Cîgirê Rayedarê Giştî yê Hêzên Esed û Wezîrê Bergiriyê yê Berê û Lîwa Elî Eyûb Serokê Erkanê yê Giştî di hêzên Esed e, û Rayedarê Hêzên Asîmanî û Bergiriya Asîmanî di hêzên Esed de Emîd Ehmed Belol û Rayedarê Lîwaya 64an yê hîlokuptiran Emîd Elî Seftelî derketiye.
Û biryara girtinê bi sûcdariya beşdarbûna di tawanên cengê de, yên bi êrîşên bi mebest li ser xelkê sivîl pêk anîne hat, piştî lêkolîneke dadwerî ya ku di sala 2017an de dest pê kiribû, piştî kuştina welatiyê Sûrî-Fransî Selah Ebû Nebût, ya di Hezîrana heman salê de, li devera rêya Elsed li bajarê Daraa di dema êrîşeke hêzên Esed bi bermîlên teqîner de, pêk hat.
Jêder: Ofîsa Ragihandinê ya Hevbendiya Niştimanî ya Sûrî
