Endamê Desteya Siyasî ya Hevbendiya Niştimanî ya Sûrî Ebdulbasit Ebdulletîf, xweşhaliya xwe anî ziman derbarê piroje-yasaya ku ji aliyê endamin ji Encûmena Nûneran a Amerîkî hatiye pêşkêşkirin ji bo rûbirûbûna keresteyên hişbir ên ku rijêma Esed niha li bazarên cîhanê belav dike bi armanca têrkirina xezîneya rijêmê bi dolaran.
Û Ebdulletîf got ku metirsiyên rijêma Esed ya ku ev yanzdeh sal in bi hemû çekan şerê gelê Sûriyê dike, êdî ne ji gelê Sûriyê tenê re ye, lêbelê ew gihiştiye dewletên din, piştî ku rijêmê milîsên taybet ji bo çêkirina keresteyên hişbir û bazirganiya wan terxan kirine, daku bi qaçaxî wan keresteyan bighînin dewletên derdorê.
Û ev yasaya nû daxwazê ji Wezîrê Berevaniyê, Wezîrê Karên Derve, Wezîrê Xezîneyê, Rêvebirê Rêvebiriya Qedexekirina Keresteyên hişbir, Rêvebirê Îstîxbarata Niştimanî û Serokên Saziyên Federal dike ku stratîjiyeke nivîsandî di 180 rojî de pêşkêşî Komîteyên Kongirêsê bikin, daku çêkirina wan kerseteyan hilweşîne û bazirganiya bi wan rawestîne.
Û Yasayê tekez kir ku divê stratîjî 6 xalan bihewîne, ji wan jî ku ew torên di rijêma Esed de yên rasterast yan bi awayekî ne rasterast piştgiriya jêrxaniya keresteyên hişbir dikin ji hev bixîne û têk bibe, û piştgiriya dîplomasî û istixbaratî ji dewletên hevkar re pêşkêş bibe, nemaze yên ku rêjeyên mezin ji Captagon di wan re derbas dibin.
Û Yasa daxwazê dike ku kes û dezgehên ku rasterast yan ne rasterast bi jêrxaniya keresteyên hişbir yên bi rijêma Esed ve girêdayî ne armanc bike, û stratejiyekê ji bo komkirina karînan deynin ji bo bilindkirina hişyariyê daku bizanibin ta kîjan astê rijêma Esed bi bazirganiya nerewa ya bi keresteyên hişbir ve girêdayî ye.
Tê zanîn ku berê jî Pisporên navdewletî Sûriyê wek “Dewleta Keresteyên Hişbir” û “Komara Captagon” bi nav kiriibûn, nemaze li gel zêdebûna bazirganiya bi keresteyên hişbir û bikaranîna wan bi awayekî berfireh û hiştina ku Sûriya bibe çavkaniyeke sereke ji qaçaxiya keresteyên hişbir ber bi dewletên cîhanê ve.
Jêder: Ofîsa Ragihandinê ya Hevbendiya Niştimanî ya Sûrî
