Sekreterê desteya siyasî ya Hevbendiya Niştimanî ya Sûrî, Ebdulbasît Ebdulletîf, got ku bombebarankirina navçeyên niştecihan li Heleb, Idlib û gundewarê wê, ku bûne sedema kuştina zêdetir ji 100 sivîlî, ji 27ê heyva mijdara par heta niha, ji ber êrîşên terorîstî yên rejîma Esed û hevkarên wê ne.
Di daxuyaniyeke rojnamevanî de, Ebdulletîf tekez kir ku, daxuyaniyên Hevrêzkarê Netewên Yekgirtî û Kordînatorê Karûbarên Mirovî li Sûriyê Adem Ebdilmewla ne bêalî ne, û aliyên ku tawan li dijî sivîlan li Helebê pêk anîne destnîşan nakin, û ew bûyera ku behsa wê kiriye “laşên ku li erdê dirêjkirî ne” di encama bombebarankirina firokeyên Esed ji devereke niştecihbûnê li navenda Helebê re ye.
Ebdulletîf bal kişand ser wê yekê ku axaftina Ebdulmewla ya derbarê “rawestana firneyên nan bi temamî û berhemnedana nan li bajarê Helebê” agahiyek kêm e, û behsa prosesên belavkirina nan ên ku ji aliyê çalakvanên sivîl ve bi awayekî bêpere tên kirin, nekir.
Jêder: Ofîsa Ragihandinê ya Hevbendiya Niştimanî ya Sûrî
