Serokê hikûmeta demkî ya Sûriyê Cewad Ebû Heteb tekez kir ku pêwendiyên duqolî yên ligel Yekîtiya Ewropa ber bi pêş ve diçin, û cext li ser rijdiya hikûmeta demkî li ser cêbicêkirina pirojeyê xwe yê bo rêvebirina navçeyên rizgarkirî û başkirina rewşa dezgeh û xizmetgozariya sercem hemwelatiyên Sûriyê kir.
Ebû Heteb, îro di daxuyaniyekê de got ku ev serdana wî ya ligel serokê Hevbendiya Niştimanî ya hêzên şoreş û rikberiya Sûriyê Riyad Sêf û hejmarek endamên Hevbendiyê bo Biroksilê “tekezkirin bû ji serdanên berê re”, û got ku hevdîtina îna (2’ê cehzîranê) ya ligel nûnera bilind ya Yekîtiya Ewropa bo karubarên derve û siyaseta ewlehiyê Fîdrîka Mogrînî ” gelek giring bû, li ser asta piştgiriya hikûmeta demkî û karmend û pirojeyên wê“.
Ebû Heteb diyar kir ku di hevdîtinê de behsa giringiya rola hikûmeta demkî ji bo seqamgeriya civaka sûrî û parastina yekparçebûna xaka Sûriyê hat kirin, herwiha bal hate kişandin li ser piştgiriya karê dezgehên hikûmetê da karibin rêveberiya navçeyên rizgarkirî û pêşkêşkirina xizmetgozariyan bo nişteciyan bikin.
Ebû Heteb bal kişand li ser piştgiriya Yekîtiya Ewropî ji pênc pirojeyên giring re di warê fêrkirin û saxlemî û çandiniyê û fayîlê navxweyî û belgekirinê de û dana belge û nasnameyên kesayetî û pasportan, tevî alîkirina encûmenên xwecihî ji bi rola xwe rabin di rêveberiya navçeyên rizgarkirî de.
Hêjayî gotinê ye ku serdana şanda Hevbendiya Niştimanî bo Yekîtiya Ewropa du rojan dirêj kir, têde çend hevdîtin ligel berpirsên Ewropa pêkanîn, û şanda navhatî ji serokê Hevbendiyê û yê hikûmeta demkî û herdu serokên berê yên Hevbendiyê Enes Ele’bide û Hadî Elbehra û Hewas Xelîl endamê desteya siyasî û Ruba Hebûş endama desteya giştî ya Hevbendiyê pêkhatibû.
Jêder: Ofîsa Ragihandina Hevbendiya Niştimanî
