Rojnameya Mîdya Bart ya Firensî dîdevaniyên pispor û endazyarin Sûrî belav kirine, ew pisporên di berhemdana çekên kîmawî yên rêjîmê de xebitînbûn berî ku dest ji rêjîmê berdin û tevli rêzên opozisyonê bibin.
Dîdevanan di raporta rojnameyê de anîn ziman ko Beşar Elesed li benda şoreşê nema ji bo biryara bikaranîna çekên kîmawî bide, ji ber wî ji sala 2009ê ve amadekiriyên xwe dikirin û ferman dabû ko heft bargehên leşkerî ji bo hilanîna bombeyên gaza Sarîn amade bike.
Rojnameyê dîdevaniya pisprekî çekên kîmawî belav kir, tê de gotiye ku ew balafirgeh ne cihên balafirên “sîxoy22” û “Mêg23” bûn, yên ko dibe ji bo êrîşa lidijî Israyîl bêne bikaranîn.
Yê pispor bêtir got ko yek ji wan beregehên leşkerî ji hilîkopteran pê ve tê de tunebûn, û yek jê nêzîkî sînor e, û Israyî dikarîbû bi derbeke Topê ew wêran bikira, eger bidîta ku metirsî jê heye.
Yê pispor got “em gihabûn encamekê ko rêjîm dixwaze vê gazê li hindir li dijî serhildanan bikar bîne ”, û berdewam kir ko min “gumanên xwe gihandin berpirsiyaran, û min ji serokê ewlekariyê Elî Memlûk re got, lê tiştê min nizanîbû ko fermana bikaranîna gaza kîmawî li dijî Sûriyan ji cem wî derketiye.”
Yê pispor diyar kir ku gava şoreş rabû, rêjîm ji têkbirina wê re amade bû, û bêdudilî çekên kîmawî bikar anîn, û cara yekê di çêriya paşî de sala 2012ê li rojavayê Helebê li bajarê Selqîn bikar anî.
Rojname dibêje ko wê belgeh ji ewlekariya firensî bidest xistine, tekez dikin ko rêjîm berpirsa êrîşa bi gaza sarîn e li Helebê û Cober û Seraqib di nîsana 2013ê de, û li Şamê di tebaxa heman salê de, û li Xan Şêxûn sala 2017ê. Û nîşan hene ko rêjîmê 22 êrîş bi gaza kilorê pêkanîne.
Jêder: Nivîsgeha Ragihandinê ya Hevbendiya Niştimanî/Acans
