Em bi hêvî ne ku Qeter piştgiriya hawarhatina xelkê Sûriyê bike ji bo dubare-avadankirina welatê xwe.
Û serokê Hikumeta Sûriyê Ya Demkî Cewad Ebû Heteb diyar kir ku tîmên hikumetê kar dikin ji bo pêşkêşkirina xizmetgozariyan bo xelkê, tevî kêmbûna dahatan li navçeyên rizgarkirî, bi sedema dorpêçkirina wan ji aliyê hêzên rijêmê û berdewamiya hêzên Rijêmê di binpêkirina rêkeftina agirbestê û armanckirina navendên xizmetgozariyê û xalên pizîşkî.
Di hevdîtinekê de ligel revenda Sûriyê li Qeter li baregeha Hevbendiyê li Dewha, û bi amadebûna sikirtêrê giştî yê Hevbendiya Niştimanî Ebdulîlah Fehid, û balyozê Hevbendiyê Nizar Elhirakî, Ebû Heteb bal kişand ku 6 milyon kes li navçeyên rizgarkirî dijîn, û niha tîmên hikumetê kar dikin ji bo rêkupêkirina alîkariyên ji rêxistinên mirovî tên, û dîtina riyan bo derbaskirin û dabeşkirina wan alîkariyan li ser kesên bi wan pêwîstdar.
Ebû Heteb got ku hikumet bêhtir kar ji bo peydakirina fêrkirin û perwerdeyê dike, û 800 hezar xwendekar hene berdewam in di xwendina xwe de, ji hejmara giştî ya ku milyonek xwendekar e, û 2300 xwendingeh ji 5000 xwendingehî bi tenê vekirî ne, tevî kêmbûna fêrkar û wanebêjan û kêmbûna mûçeyên wan ku ne bêtir ji 100 dolarî heyvane distînin.
Serokê hikumetê tekez kir ku gelek astengî dikevin li pêşiya xelkê Sûriyê bi sedema bombebarankirina berdewam ya li ser navendên pizîşkî û karmendên wan, tevî bombebarankirina navendên saxlemiyê û koçberiya pizîşkan, û bal kişand ku hikumeta demkî kariye kolîja pizîşkî ava bike û hêjî xwendkar jê der diçin, û niha 8 hezar xwendekar xwendina xwe têde berdewam dikin.
Ebû Heteb diyar kir ku Hikumetê navendên dadweriyê ava kirine, ligor yasayên Sûriyê, tevî navendên derkirina belgenameyên sivîlan yên der barê zayend û mirinê û wergirtina regeznameyan, û bal kişand ku Hikumetê her ji heyva gulana bûrî dema wergirtina kabîniyê û heta niha hîç alîkariyek navdewletî wernegirtiye, ji bilî tişta tê pêşkêşkirin ji hindek dezgehên Sûriyê, nemaze yên ji kertê çandiniyê.
Jêder: Nivîsîngeha Ragihandina Hevbendiya Niştimaniya Sûriyê / Elereb ya Qsterê
