Berpirsiyarekî Navnetewî got ku hejmara sivîlan li bajarê Helebê digihê 1,5 milyon kesî, ji nav wan 400hezar derbider li hindirê bajêr hene, û salixa wêraniya gihaye bajêr da ko “tiştekî di ser bawerikirina hiş re ye”.
Û di hin daxuyaniyên Karsparteyê Hevrêzkarê Navnetewî de yê ko ji bo karûbarê mirovî li Sûriyê dimîne Sicad Melîk yê ji rojhilatê Helebê doh diyar kir ko, ji nav vê hejmarê 1,1 milyon kes ava vexwarinê digihê wan, û 7 kilînîkên veguhêz hene, û bêtir ji 20hezar kesan rojane xwarina germ digihê wan, piştî ko rêjîmê piraniya dezgeh û zindîgehên bajêr wêran kirine.
Û berpirsiyarê Navnetewî diyar kir ko ew ji heft rojan ve li Helebê bicih bûye, û “qebareya wêraniyê li Helebê di ser bawerkirina mirov re ye, û di karûbarê xwe yê berê li Somal û Afxanistan de wisa nedîtiye”, destnîşan kir ko niha nêzîkî 106 karmendên Netewên Yekbûyî hene ku rojane dikarin têkevin Helebê û jê derkevin, ji bo alîkariyên mirovî yên giring ji kesên ko vedigerin bajêr re pêşkêş bikin.
Milîk diyar kir ko 1200 malbatên Sûrî vegeriyan Helebê, û di malên bê pencere û bê derî û bê agirê çêkirina xwarinê de dijîn. û çendîn zarokên 4 û 5 salî hene hewcedarî piştgiriyeke derûnî ne “ji bilî hewcedariya wan ya xwarina rojane û hêminiyê”.
Û di heman mijarê de berdevkê Netewên Yekbûyî Stîvan Ducarîk got ko Rêkxistina navdewletî dubare dilnearamiya xwe bo rewşa sedhezar kesên li kampan navê wan hatiye nivîsandin ko ew derbiderên ji rojhilatê Helebê ne”yên ko bi sedema bombebarana li ser sivîlan ji hêla rêjîmê û milîtanên wê ji malên xwe derketine.”
Ducarîk bêtir got ko qebareya wêraniyê li wan taxan zor e, û alîkariyeke mezin ji wan re divê, wek guhdana tendiristî û dabînkirina avê û kazînan, û her weha fêrkirina zarokan û xanî û cih û elektrîk û rêkên jiyandinê. Netewên Yekbûyî roja sêşembê ji bexişkarên navdewletî xwest ku bilez alîkariya yekser û berdewam ji derbiderên rojhilatê Helebê re pêşkêş bikin.
Jêder: Nivîsgeha Ragihandinê ya Hevbendiya Niştimanî+Acans
