Serokê Hevbendiya Niştimanî ya Sûrî Hadî El-Behra û endamê desteya siyasî Cîhad Mer’hî, bi Serokê Desteya Rojhilata Navîn, Misir, Urdun, Sûriyê û Libnan di Desteya Xebata Derve ya Ewropî de Alessio Cabilalni, û serokê şanda Yekîtiya Ewropî li Sûriyê Dan Stonescu û şanda pê re, duh Înê, li bajarê Stembolê yê Tirkiyê civiyan.
Di civînê de amadebûyan dawîn pêşhatên rewşa Sûriyê gotûbêj kirin, bi taybetî mijara rawestana proseya siyasî ya ji aliyê Netewên Yekgirtî ve li Cinêvê tê piştgirîkirin û pêwîstiya aktîvkirina wê, azadkirina wê ji siyasetên astengkirinê yên rejîmê û dîtina rêyên pêwîst ji bo piştgiriya bizavên Şanderê Taybet ê Sekreterê Giştî yê Netewên Yekgirtî, bi rêya Encumena Ewlekariyê û rêyên din ên pêkan ji bo pêşdebirina ber bi Cîbicîkirina tam ji biryarên Encûmena Ewlekariyê yên pêwendîdar re, nemaze biryara 2254 (2015).
Alessio bal kişand ser wê yekê ku tu guhertin di siyasetên Yekîtiya Ewropî de derbarê Sûriyê de nîn e, û dît ku pêkanîna pêşketinên binirx û bêveger di proseya siyasî de li gorî biryara 2254 (2015), takerê ye ji bo rakirina sizayan û beşdarbûna di nûavakirinê de û vegera penaberan, û amaje bi wê yekê kir ku îsal alîkariyên mirovî yên ku Yekîtiya Ewropî ji gelê Sûriyê re pêşkêş dike kêm nabin, û şanda Hevbendiya Niştimanî ji hêla xwe ve tekezî li ser pêwîstiya dîtina riyên rasterast kir ji bo piştgiriya mirovî bi awayê ku karîna berhemdanê li deverê zêde bike li şûna ku spetên xwarinê bidin xelkê.
Şanda Yekîtiya Ewropî behsa hewlên xwe yên ji bo biserxistina Konferansa Bexşkarên Brûkselê ya ji bo Sûriyê û ciyawaziya ku îsal têde heye kir, ji ber ku rojek ji bo diyaloga Sûrî hatiye terxankirin, û Desteya Danûstandinan a Sûrî ji bo beşdarbûna wê hatiye vexwendin.
Û Serokê Hevbendiya Niştimanî asta azarên penaber, derbider û koçberkiriyên Sûriyê, şert û mercên dijwar ên têre derbas dibin, û parastina mafên wan li hundir û derveyê Sûriyê şirove kir, û daxwaza mîkanîzmayên bibandor kir ji bo rawestandina binpêkirinên sîstematîk ên dijî wan pêk tên, bi taybetî li Libnanê, û tekezî li ser rola giring a Yekîtiya Ewropî di wî warî de kir.
Her wiha amadebûyan behsa pêwîstiya piştgirîkirina pirosesa xwendinê li bakurê rojavayê Sûriyê kirin, bi taybetî di zanîngehan de, û çawaniya pêşxistina bernameyên ji bo danpêdana bi bawernameyên wan, û dabînkirina bernameyên akademîk ên hevbeş, û peydakirina bûrsan ji penaber, derbider û koçberan re ji bo li zanîngehên welatên Yekîtiya Ewropî bixînin.
El-Behra li ser girîngiya plana pêşvebirina Bakurê Sûriyê ji bo baştirkirina rewşa jiyana xelkê, bi riya afirandina derfetên kar ên nû ji derçûyên zanîngehan û kedkarên xwedî ezmûn re, û pêwîstiya lipaşxwehiştina astengiyên li pêşiya xwediyên pîşeyan û dabînkirina hêsankariyan ji cotkaran re da kaibin berhemên xwe hinarde bikin, nemaze der barê dana belgeyên jêdera berhem, axivî.
El-Behra tekezî li ser pêwîstiya dabînkirina piştevaniya teknîkî ya zêdetir ji Hikûmeta Sûrî ya Demkî re kir, ji bo bihêzkirina desthilata dadweriyê û bilindkirina asta karînên wê ji bo baştirkirina sîstemên rêveberinê, bi taybetî di karta dadwerî, ewlehî, perwerde û tenduristiyê de, û baştirkirina xizmetguzarên ji xelkê navçeyên curbicur re li bakurê Sûriyê tên pêşkêşkirin, da veberhênan bên handan û derfetên kar ji ciwanan re peyda bibin ji bo li deverên xwe bimînin û neçarî koçberbûna ber bi welatan de nebin.
El-Behra tekez kir ku ewlehî û aramiya domdar bêyî pêşxistina aboriya Bakurê Sûriyê pêk nayê.
Jêder: Dezgeha Ragihandinê ya Hevbendiya Niştimanî Sûrî
