Endama desteya giştî ya Hevbendiya Niştimanî ya Sûrî Xuzame El-Efîf, diyar kir ko rêjîma Esed hewl dide çalakiyên aştiyane li Siwêdayê bi dawî bike, piştî ku tevgera aştiyane ya ku bi mehan dirêj kir derewên rêjîmê eşkere kirin, ji ber ku rêjîm hewl dide êrîşeke leşkerî pêk bîne ji bo vê tevgerê rawestîne û nehêle careke din çêbibe.
El-Efîf di daxuyaniyeke rojnamevanî de bal kişand ser wê yekê ku tevgera Siwêda aştîbûna xwe parast, û hişyariya xelkê herêmê nîşan da, ku karîne pîlan û xefikên rêjîmê yên ji wan re vedabûn têk bidin, ji ber ku wan red kir beşdarî çi karê ku tevgera wan bişêwîne bibin, û ev yek di dirûşmeyên rojane yên daxwaza rûxandina rêjîma Esed û cîbicîkirina biryara navdewletî ya 2254 dikin de diyar bû.
El-Efîf tekez kir ku xelkê Siwêdayê hemû yekhelwest in, dest ji daxwazên xwe yên rewa ku daxwazên tevaya Sûriyan û şoreşê ne bernadin, û got ku dema bidawîbûna derdeseriyên sûriyan û rizgarbûna ji stemkariyê hatiye.
El-Efîf bang li civaka navdewletî kir ku erkên xwe yê parastina sivîlan li Siwêdayê bicî bînin, û rê li ber rêjîma Esed bigirin da ti operasiyoneke leşkerî li dijî wan pêk neyne, nemaze ku ev rêjîm dîrokeke wê ya dirêj a komkujî û tawanên cengê yên hovane li dijî sivîlan heye, û El-Efîf Neteweyên Yekbûyî berpirs kir di ber rijandina her dilopek xwînê li Siwêdayê.
Jêder: Ofîsa Ragihandinê ya Hevbendiya Niştimanî ya Sûrî
