Endama Hevbendiya Niştimanî ya Sûrî Xuzame El-Efîf, diyar kir ko rêjîma Esed dest bi guhertina stratejiya xwe li hember Siwêdayê kir ku hêviya wê ew bû ku her dem derbas bibe tevgera xelkê kêm bibe, û dest bi tirsandina xelkê û xwenîşanderan bi riya tedbîrên ewlekarî û leşkerî kir.
El-Efîf di şiroveyeke xwe ya li ser rewşa Siwêdayê di dema civînên Desteya Giştî yên gera 72emîn ya asayî de, got ku rejîmê vê dawiyê dest bi avêtina bombeyan li ser kombûnan û gulebarankirinê û girtina hin kesayetiyên olî û çalakvanan kir, her weha belavkirina xalên kontrolê yên leşkerî di nava bajêr de.
El-Efîf her wiha got: Rêjîm hewil dide îradeya xwenîşanderan bişkîne û tirsê di nav wan de biçîne, piştî salekê ji destpêkirina tevgera aştiyane li bajarê Siwêdayê, wek hewildana tepeserkirina tevgerê, lawazkirina wê û kontrolkirina bajêr.
Wê bal kişand ser wê yekê ku kuştina Merhej El-Cermanî, roja Çarşema buhurî, nîşana guhertinekê ye di danûstandina rejîmê bi tevgerê re, û nîşan dide ku rejîmê dest bi şandina tehdîdên rasterast ji bo kuştina rêberên tevgerê û çandina fitneyê ji bo tirsandin û tevdana xelkê kiriye, ku dixwaze wan bikişîne nav qada xwe da ku hêz û tundiyê bikar bîne.
El-Efîf tekez kir ku xelkê Siwêdayê bi tevayî haydar in ji hîle û pîlanên xerab yên rêjîmê, û ew hîn jî biryardariya xwe nîşan didin ku ew pabendî tevgera xwe ya aştiyane li meydana Kerama ne, ji bo pêkanîna daxwazên gelê Sûriyê yên rûxandina rêjîma Esed û pêkanîna çareseriya siyasî li ser bingeha biryarên navdewletî yên têkildar, bi taybetî jî biryarên 2118 û 2254.
Her weha got ku xwenîşandanên vê dawiyê pabendbûna xwe bi rêbaza aştiyane weke take riya guhertinê nû kir, û peyameke bihêz ji rêjîmê û cîhanê re şand ku Sûrî pabend in bi tevgera xwe ya aştyane ji bo bidestxistina mafên xwe yên rewa, û bal kişand ser ku ev sûrbûn haydariyeke gelerî ya kûr nîşan dide ku tundûtûjî dê tenê bibe sedema wêrankirina zêdetir, û çareserî di çalakiya aştiyane ya berdewam de ye ji bo bidestxistina guhertina tê xwestin.
Jêder: Ofîsa Ragihandinê ya Hevbendiya Niştimanî ya Sûrî
