Endamê Desteya Siyasî ya Hevbendiya Niştimanî ya Sûrî, Selîm Elxetîb, tekez kir ku tiştê hatiye serê bazara Sarûjê, di warê jinavbirina rêbazkirî ya nasnameya dîrokî ya Şamê de tê, û bal kişand ser ku ewê ku malan bi ser xwediyên wan de hilweşîne, dê jêre ne dijwar be ku bazara Sarûjê ya ku yek ji nîşanên naskirî yên bajarê Şamê ye bişewtîne.
Û Elxetîb di daxwiyaniyin taybet de, îro, got ku ziyanên ku gihiştine bazara ku hatiye sotandin pir mezin in, ji ber ku bazar navenda belgeyan ya dîrokî ya ku dîroka Sûriyê ye (5 milyon belge) lê hene, û mala Ebdilrihman Paşa Elyosif, Mîrê Hecê yê Dewleta Osmanî jî di wê bazarê de ye.
Û Elxetîb got ku zincîra şewitandinên bazarê û cihwarên berçav ji berî zêdetir ji deh salan ve li pey hev, nîşan e ku hin alî hene bimebest berçavtirîn cihên Paytexta Umewiyan armanc dikin, û Elxetîb bal kişand ser ku rijêma ku bûye sedema wêrankirina gundewarê bajêr û koçberkirin û awarekirina xelkên wî, dê jê ne dûr be ku dermafê warên li bal wî cihê hestiyariya mezhebî ne, şewtandinan biafirîne.
Û Elxetîb bal kişand ser ku baş e belgeyên resen nehatine şewtandin, ew jî belgeyên malbatên Şamê yên kevnar û malûmilkên wan in, û ji Netewên Yekbûyî û Yonisko xwest ku rêyeke navdewletî bo parastina van belgeyan bibîne, û nehêle ku wêran bibin, û nehêle ku destê wêraniyê yê rijêmê û milîsên wê yên mezhebî bighê wan belgeyan.
Tê zanîn ku bazarên Şama kevin bi dirêjiya salên şoreşa Sûriyê rastî hejmarek ji sotandinan hatine, û di sala 2016an de bêhtir ji 80 dikanî di bazara Esroniyê de ya nêzîkî Meqamê Elseyde Ruqeye hatin şewitandin, her weha bazara Hemîdiyê ya bi nav û deng di dawiya sala 2016an de rastî şewtandineke mezin hat, û di tîrmeha 2017an de agir bi devera Bab Elcabiyê ket, û di sala 2020an de agir bi bazara Elbizoriyê li Şama kevin ket, û ew şewtandin bû egera ziyaneke mezin.
Jêder: Ofîsa Ragihandinê ya Hevbendiya Niştimanî ya Sûrî
