Endamê Desteya Giştî ya Hevbendiya Niştimanî ya Sûrî Eymen Elasimî, tekez kir ku teqîna bermayên cengê û cebilxaneyên ku rijêma Esed û milîsên pêre bi dirêjiya salên bûrî li pey xwe hiştine, bûn sedema kuştina bidehan kes û birîndarkirina hinên din bi taybetî ji zarokan.
Û Elasimî got ku mayinên ku bi awayekî bêserûber ji aliyê hêzên rijêma Esed ve li deverên wek çeperên şer an li deverên ku ji hêzên wê hatine rizgarkirin hatine çandin, bûn sedema ketina qurbaniyan di nav kesên ku di nav zeviyên xwe de dixebitîn, û bal kişand ser pêwîstiya paqijkirina zeviyan ji bombeyên neteqyayî.
Û Berevaniya Sivîl a Sûrî îro sêşemê ragihand ku di encama teqîna mayînekê de kesekî jiyana xwe ji dest da, dema ku wî karê çinîna zeytûnan li zeviyên gundê “Mejdeliya” li başûrê Idlibê dikir.
Û Bergiriya sivîl amaje bi wê yekê kir ku ji destpêka sala 2022an de heta duh, roja duşemê, di 29 teqînên bermayên cengê de li bakurê rojavayê Sûriyê, 27 kesan jiyana xwe ji dest dane, 13 ji wan zarok bûn, her weha 29 kesên din jî birîndar bibûn, 20 zarok û jinek di nav wan de hebûn, belge kiriye.
Û Tora Sûrî ya Mafên Mirovan di rapora xwe ya salane ya yazdehemîn de derbarê binpêkirinên li dijî zarokan li Sûriyê, bi helkefta roja cîhanî ya zarokan, diyar kiribû ku ji adara 2011an ve heta niha, 29 hezar û 894 zarok li Sûriyê, 182 ji wan bi sedema îşkencekirinê hatine kuştin, her weha 5 hezar û 162 zarok hîna jî di girtîgehan de ne, an bi darê zorê hatine windakirin.
Jêder: Ofîsa Ragihandinê ya Hevbendiya Niştimanî ya Sûrî