Endamê Hevbendiya Niştimanî ya Sûrî Eymen Elasimî, bal kişand ser ku eger armanc ji serdana Wezîrê Derve yê Misrê Samih Şukrî ya îro bo rijêma Esed, ji bo tekeziya li ser hevkariya li gel Sûriyê di rûbirûbûna bandorên erdhejê de be, weku alavên ragihandinê yên rijêmê dibêjin, divabû serdan bo deverên rizgarkirî yên ku bêhtir ziyan ji erdhejê dîtine ba, û alîkariyên mirovî ji kesên li deverên rizgarkirî ziyan dîtine terxan bibûna, ne ku ji rijêma tawakar re biçin.
Û Elasimî gihandina alîkariyên ku Misrê şandine bo hewcedarên li deverên di bin kontirola rijêmê de dûr dît, ji ber ku ev rijêm naskirî ye bi destserdanîn û dizîna alîkariyên mirovî yên ku ji hêla dewletan ve tên pêşkêşkirin.
Û Elasimî got ku erdheja Sûriyê ji sala 2011an ve dest pê kiriye, û divabû dewletên ku di vê demê de ber bi rijêmê ve dibezin, li kêleka gelê Sûriyê yê ku rastî bombebaran, kuştin û koçberkirinê hatiye bin. Û tekez kir ku erdheja xwezayî nabe behane ji normalkirina têkliyan bi rijêma tawankar re.
Û Hevbendiya Niştimanî dît ku xwenêzîkirina ji rijêma tawankar bi behaneya erdhejê û alîkariyên mirovî, ji ziyanê pêve nagihîne wan dewletan, ji ber ku armanc û meremên pîs li bal vê rijêmê hene û ew beşek ji ajandeya xerab û kîndar a Îranê ye.
Û Hevbendiya Niştimanî tekez kir ku tiştê rijêma Esed di salên bûrî de wêran kiriye, û bobelatên ku di 12 salên bûrî de çêkirine, ji wêraniya erheja şeşê vê heyvê ya ku li Tirkiye û Sûriyê daye mezintir e.
Jêder: Ofîsa Ragihandinê ya Hevbendiya Niştimanî ya Sûrî
