Endamê Hevbendiya Niştimanî ya Sûrî Eymen Elasimî, diyar kir ku hin nûçe hene behsa nîyeta desthilatên libnanê dikin ku çi girtiyê Sûrî yê ji zîndanên Libnanê bête berdan, dê wî û malbata wî vegerînin deverên di bin kontirola rijêma Esed de.
Û Elasimî bal kişand ser ku desthilatên Libnanê bi awayekî cidî dest bi rêşûnên dersînorkirina yek ji girtiyên ku nû hatiye berdan kirine, û di demên nêz de dê heft girtiyên dî werin berdan, û heman çarenivîsê li benda wan û malbatên wan e, û got ku ev rêşûn dê dermafê her kesê ku di rojên dahatî de ji zîndanan were berdan bicih were.
Û Elasimî tekez kir ku ev rêşûn berûvajî rêkeftinên navdewletî yên taybet bi penaberan û kêmtirîn mafên mirovan e, ji ber ku ev girtiyên ku ji zindanan têne berdan bi tohmetên ne yasayî hatine girtin, û piştî derketina wan ji dojeha zîndanên Libnanê dê xwe û malbatên xwe di qesabxaneyên çeteyên Esed û milîsên mezhebî de bibînin.
Û Elasimî daxwaza tevgereke lezgîn ji Komisyona Karûbarê Penaberan li Libnanê û Saziyên Navdewletî kir, ji bo rizgarkirina penaberên Sûrî yên li Libnanê, û tekez kir ku çareya rasteqîn ji pirsgirêka penaberan re di çareya siyasî de ye, bi riya pêkanîna veguhastina siyasî bi cîbicîkirina biryarên navdewletî yên taybet bi pirsa Sûriyê, û di pêşî de herdû biryarên 2118 û 2254 garantî dike.
Jêder: Ofîsa Ragihandinê ya Hevbendiya Niştimanî ya Sûrî
