Li ser perawêza Komeleya Giştiya ya Netewên Yekgirtî li Niyoyorkê, berêz Hadî Elbehra serokê Hevbendiya Niştimaniya Sûriyê hevdîtinek bi Tişawiş Oxlo re wezîrê derve yê Tirkiyê pêk anî, di hevdîtinê de Elbehra sipasiya Hikûmeta Tirkiyê kir li ser ” bizavên wê yên bilez û erênî bo hewandina karwanên mezin ji penaberên sûrî yên ji êrîşên DAIŞê li ser gund û navçeyên wan direvin, herwiha rola dewleta Tirkiyê di alîkariya wê ji sûriyan re di vê tengasiyê de bilind nirxand”. herwiha di civînê de tiştên ku vê dawiyê çêbûne hatin gengeşekirin, bi taybetî bernameyê rahênan û biçekirinê yê ku kongirês biryar li ser daye hat rojevê, herwiha pêwîstiya hemhengiya bizavan di navbera herdu aliyan de da ku bigihin encamên baş. û herdu aliyan tekez kirin ku:” ji boyî peydakirina zemîneka guncayî bo mijarê rûbirûbûna terorê, pêdivî ye kar dijî sedema serekî bête kirin, ku ewjî rêjîma Esed e, ya rêxweşker bo avakirin û belavkirina rêxistinên radîkal û tundrew”. herwiha herdu aliyan balkişandin li ser “pêwîstiya danûstandina ji bo rûbirûbûna terorê li Sûriyê mîna danûstandina bi rewşa Iraqê re be, ku pirosêsa veguhestina siyasî encam da bi rêka damezrandina hikûmeta demokratîk li Iraqê ku ji hemû pêkhatan bi aweyekî hevseng pêkhat”. Herweha di hevdîtina Elbehra û Oxlo de bîr û boçûn xwe li ser rewşa Sûriyê ji hev re gotin, û Elbehra nêrîn û pilanên hevbendiyê serbaretî bûyerên vê dawiyê şirove kirin. Ji aliyê xwe ve Oxlo amadebûna welatê xwe bo piştgiriya Tirkiyê ya berdewam bo gelê Sûriyê di şerê wî de bo azadiya xwe bidest bîne diyar kir. hêjayî gotinê ye ; ku ev hevdîtin pêkhat di seredana hevbendiyê bo binkê Neteweyên Yekbûyî li ser perawêza civîna bilind ya ji bo Jîngehê di civînên demdemî yên komeleya giştiya Netewên Yekgirtî ya ku ji 412 dewlatan pêktê, ku têde serokê Hevbendiyê çendîn hevdîtin û civînên duqolî sazkirin bi şandên navdewletî re. tê zanîn ku şanda Hevbendiyê bo Niyoyorkê ji Hadî Elbehra serokê Hevbendiya Niştimanî û Dr. Ebdulhekîm Bişar Cêgirê Serokê Hevbendiyê û Xalid Xoca nûnerê hevbendiyê li Tirkiya û Necîb Elxedban nûnerê Hevbendiyê li Amerîka pêk tê.
(Jêder:Hevbendî).
