Balyozê Hevbendiya Niştimanî ya Hêzên Şoreşê û Rikberiya Sûriyê yê Elmanyayê Besam Elebdelah, xweşhaliya xwe diyar kir bi daxwaza Wezîrê derve yê Elmanyayê Firank Şitayinmayer ya ji bo çêkirina pireke asmanî ji bo hawarçûna sivîlên Helebê yên tengav bûne, eger Rêjîm berdewam be di redkirina derbasbûna karwanên alîkariyan di rêkên bejî re.
Ştayner di daxuyaniyekê de pêr got ko “Koma navdewletî ya piştgiriya Sûriyê li hev kirin ku eger redkirineke rêbazkirî ji alîkariyên mirovî re bibe, wê bi rêka asmanî wan bigihînin, wek ko li Dêra Zorê pêk hat.”
Bêtir got: “Eger aloziya gihandina alîkariyan ji bo herdu parçên Helebê berdewam be, gerek em li ser gihandina alîkariyan bi rêka asmanî bixebitin, û bi taybetî yên bijîşkî.” û bi gotinên herî tund bikaranîna çekên qedexeya navdewletî, çi yên kîmawî an Bermîlên teqîner bin pirotesto kir.
Elebdelah di daxuyaniyekê de îro diyar kir ko Elmanya di Ewropa de dewleteke mezin e, û bandora wê heye, û ew Hevala Gelê Sûriyê li dijî dîktatoriyetê ye. Destnîşan kir ko Elmanya gelek alîkarî di çêkirina Nexweşxaneyan û avahî û bargehên xizmetkariyê li Helebê kir, lê piraniya wan ji hêla bombebarana hêzên Rûsî û Rêjîmê bombebaran bûn.
Elebdelah daxwaz kir ko bombebarana Rûsî û ya Rêjîmê li ser sivîlan raweste û Rêbuhêrkên mirovî li bin çavdêriya Netewên Yekbûyî çêbibin.
Jêder: Hevbendî