Serokê Hevbendiya Niştimanî ya Hêzên Şoreşê û Rikberiya Sûriyê Enes Elebde li rex Civînên digel wezîrên derve yên Dewletên hevalbendên Miletê Sûrî li Londonê doh tekez kir ko Çarçoveya Cîbicîkirinê ya ko hat ragihandin ji bo Çareseriya Siyasî “ji Hîm û Pirinsîbên Şoreşa Sûriyê hatiye, û ew belgeheke zindî ye dibe bipêşde li gora berjewendiya Gelê Sûrî bête guhertin.”
Elebde bêtir got: “Em bi pirinsîbên Şoreşê pabend in ew jî: Yekîtiya xaka Sûriyê milet û xak, Cihê Beşar Elesed di qonaxa veguhêz de û ne di paşeroja Sûriyê de nîn e, hatina Rêjîmeke siyasî yî sivîl dîmuqrat û piralî ji bo hemû Hevwelatiyan bê cudabûn.”
Elebde got tiştê hat ragihandin ew dîtineke yekgirtî ye avakirina Sûriya Paşerojê amanc dikeli ser bingehindirist û bihêz, destnîşan kir ko ev dîtin ji bo hemû miletê Sûrî re ye û ne tenê ji bo komekekê bi tenê ye.
Civînê rewşa herêmên dorpêçkirî di serî de Muedemiyê û Medaya û Elweer û herêmên din hem jî dorpêça li ser Helebê gotûbêj kir. Şanda Hevbendiyê tekez kir ko hêj Rêjîm Koçkirina kotekî û guherîna dîmugrafî dike.
Şanda Hevbendiya Sûriyê bal kêşand ser êrîşên Rêjîma Sûrî ser Taxa Elsukerî berî du rojan bi gaza kilora jehir û doz li wezîrên derve kir dako raporta Netewên Yekbûyî bixwînin ko tekez dike çekên kîmawî li du cihan bikaranîniye.
Hem tekez kir ko divê dosya Sûriyê bibal Dadgeha Tawankariyên Navdewletî ve bête şandin.
Wezîrê derve yê Birîtanî Borîs Conson dibîne ko Çarçoveya Cîbicîkirinê “Şêweyekî yekem da ko bête kirin li Sûriyê û aştî pêk bê bêyî Beşar Elesed”
Di heman çax de wezîrê derve yê Qeterê Mihemed Bin Ebdulrehman Al Tanî bizavên Desteya Bala ya Danûstandinan û ya Hevbendiya Niştimanî, ji bo danîna dîtineke giştî û tekûz ji paşeroja Sûriyê re bilind nirxand
Wezîrê derve yê Qeterî got giring miletê Sûriyê bête parastin di evê berdewamiya dorpêçê li ser bajarên Sûriyê û bombebarana sivîlan û wêraniyê de û hem rêbaza guherîna dîmugrafî bi şêweyê koçkirina kotekî li Dareya û Taxa Elweer li Humsê û bajarên Sûriyê yên din. Daxwaz ji civaka navdewletî kir ko biryarên netewên yekbûyî bicih bike ji bo derdê miletê Sûrî nehêle û hêviyên wî di azadî û rûmetê de misoger bibin.
Jêder: Hevbendî+Acans
