Emîndarê Giştî yê Hevbendiyê Niştimanî ya Hêzên Şoreşê û Rikberiya Sûriyê Ebdililah Fehed, diyar kir ko Rûsya mezintirîn dewleta piştgiriya Tiroristiyê dike, û Emerîka sozan dide û sozên xwe bicih nayine.
Di hevdîtinekê digel Rojnameya “Yutarî Lîst” ya Okranî Fehed destnîşan kir ku Mosko alîkariya Rêjîma Esed bi hemû karîn û pisporên xwe yên leşkerî û nûjentirîn firokên cengê ko hejmara wan gihaye 90 firokî û bi nûjentirîn mûşekên qedexe barkirîne dike. Bêtir got: “li vir em dikarin bibêjin Rûsya bêtirîn dewlet e ko alîkariya tiroristiyê dike.”
Fehed diyar kir ko rola Emerîkî ji destpêka Şoreşê ve ne zelal e û tê guhertin, û got “Emerîka gelek soz bi Opozisyona Sûrî û Artêşa azad re dan, lê mixabin sozên xwe pêk neanîn, Emerîka îro digel te ye lê sibe dijî te ye ”.
Û diyar kir ko çareserî di destê Emerîka û Rûsya de ye, û ew li ser evê mijarê di nakokiyan de ne, heryek li gora berjewendiyên xwe, û bal kêşand ser ko miletê Sûrî û wêraniya Welat ne xem e ji wan re.
Ji bo bêçaretiya civaka navdewletî ko nikare dorpêçê ji bajar û bajarokên dorpêçkirî rake, û nikare alîkariyan bo mirovên dorpêçkirî derbas bike. Niştecih bi sedema birçîbûnê, tîbûnê û kêmbûna derman dimirin.
Fehed spasiya Tirkiyê kir li ser alîkariya ko ji Artêşa azad re pêşkêş dike ji bo berde Rêkxistinên tirorist. û got ku ji mafê Tirkiyê ye ewlekariya xwe û milet û xaka xwe biparêze, bi taybetî sînorê xwe yê bi Sûriyê re, ko di gelek cihan de Partiya Karkerên Kurdistanê ya tirorist tê de ye û çendîn êrîşên xwekujînê li dijî miletê Tirkî li hindirê xaka Tirkiyê pêk anîne. Gotina xwe berdewam kir û got “em dixwazin di parastina sînor de şirîk bin û em ê ji bo ewlekarî û aramiya sînor kar bikin da em nehêlin tirorist ji hundir an derve biçin û bên.”
Bal kêşand ser ko serkirdeyên Hevbendiyê çendîn car bi siyasetmedarên Rûs re civiyane û herdem digotin emê piştgiriya Beşar Elesed û Rêjîma wî bikin, û bi pirsiyan got, êdî em ê çi hêviyê ji Rûsya bikin?
Emîndarê Giştî berdewam kir û got: “çi arîşa me digel pêkhatiya Elewî di Sûriyê de nîn e, em bi wan re bêyî Rêjîma Esed dicivin, lê gava Rêjîm dibihîze yekser ewan digire û wan tune dike. Arîşeya me bi Beşar Elesed û malbata wî re ye, ya ko bi dare zorê welat kontrol dike ko ev 50 sal tirs xistiye nav miletê Sûrî de.
Di dûmahiya hevdîtinê de tekez kir ko Hevbendiya Niştimnî dixwaze Sûriya ji hemû Sûriyan re be û ji bo pêkanîna Aştî, Dîmuqratî û Azadiyê û avakirina dewleteke Hevwelatîbûnê û dana mafê herkesî kar dike.
Û tekez kir ko hebûna Esed di qonaxa veguhêz de tune ye, û ne jî di paşeroja Sûriyê de. Û got ko Esed Tawankarê Cengê ye, zarok û Jin û Kal kuştine û nîvê miletê Sûrî koçber kiriye, her wiha ew fakterê serekî ji belavbûna tiroristiyê li Ewropa û Cîhanê re ye.
Jêder: Hevbendî
