Serokê Hevbendiya Niştimanî ya Hêzên Şoreşê û Rikberiya Sûriyê Enes Elebde, diyar kir ko Çarçoveya Cîbicîkirinê ya ko Opozisyon pê rabûye “dê rêyeke xuyanî ji bo veguhêza siyasî li Sûriyê pêşkêş bike, û yê ko çareseriyeke siyasî dixwaze qet wê rêyê red nake.”
Serokê Hevbendiya Niştimanî ya Sûrî Enes Elebde û Hevrêzkarê Giştî yê Desteya Bala ya Danûstansinan Dr. Riyad Hicab, dê di ragihandina Çarçoveya Cîbicîkirina Çareseriya Siyasî li Sûriyê, sibe Çarşembê li Londonê, bi amadebûna Wezîrên derve yên dewletên hevalbendên miletê Sûrî beşdar bibin.
Her wiha civîn dê behsa operasiyonên koçkirina kotekî û guhertina dîmugrafî ya ko Rêjîm li dijî niştecihên herêmên dorpêçkirî bikar tîne, hem jî ketwara herêmên dorpêçkirî û berdewamiya Rêjîmê û hevalbendên wê di bikaranîna çekên qedexe de û redkirina wan ji azadkirina Girtiyan re bike.
Elebde di gotûbêjeke taybet îro tekez ko cihê Esed ne di qonaxa veguhêz de û ne jî di paşeroja Sûriyê de heye. Bêtir got: “Em bi piransîbên Şoreşê pabend in, û li gora wan em rêkeke xuyanî ji çareseriyê re pêşkêş dikin.”
Elebde diyar kir ko Çarçoveya Cîbicîkirinê li gora birayarên navdewletî yên têkildarî rewşa Sûriyê ne, û bi xurtî bizavê dike ji bo derdê miletê Sûriyê bidawî bike, û hêvî û daxwazên wî di azadî û rûmetê de misoger bike.
Û tekez kir ko tiştê wê sibe bête ragihandin ji berjewendiya hemû miletê Sûrî ye, û maf dide hemûyan, û cîbicîkirina wê dê veguhêza siyasî ya tê xwestin misoger bike, û wê şerê tiroristiyê bike.
Jêder: Hevbenadî