Enes Elebde Serokê Hevbendiya Niştimanî ya Hêzên Şoreş û Rikberiya Sûriyê, diyar kir ko rêjîma Esed û Hevalbendên wê Tawankarên Cengê yên kirêt li Helebê pêk tînin û dixwazin bajarê dîrokî biyekcarî wêran bikin
Di hevdîtinekê de ligel Serokê Nivîsgeha Berevaniya Sivîl li Bajarê Helebê Ibrahîm Hilal û Birêvebirê Berevaniya Sivîl li Helebê Emar Silo, Eelebde destnîşan kir ko Tîmên Berevaniya Sivîl li gora biryarên Navdewletî parastî ne, û amanckirina wan Tawankariya Cengê ye.
Elebde têkçûna Civaka Navdewletî di pêrabûna erkê xwe de û bi taybetî parastina Sivîlan rexne kir, Her weha tekezî li ser giringiya rawestandina hevalên Gelê Sûrî bi rastî li dijî êrîşên ko Rêjîm serpereştiya wan dike.
Serokê Nivîsgeha Berevaniya Sivîl Ibrahîm Hilal tekez kir ko Hêzên Esed û Rûsya û Îran helmeteke şer ya kirêt li ser bajarê Helebê pêk tînin, piştî ko bidawîkirina peymana agirbestê ji aliyê Rêjîmê ve hate ragihandin.
Hilal diyar kir ko bombebaran li ser hemû taxên dorpêçkirî û tije xelk bû, û destnîşan kir ko dijminkariyê 19 caran çekên hejîn bikar anîye, û di heşt rojên piştî bidawîkirina agirbestê hat ragihandin 400 şehîd û zêdetir ji 1700 birîndarî ketine.
Bal kêşand ser ko Tîmên Berevaniya Sivîl û yên hawarhatinê (Ambulans) nikarin bi kar û erkên xwe rabin, çimkî bombebaran pir dijware û bi taybetî piştî du navend bi hemû alavên xwe ve ji xizmetê derketine, û destnîşan kir ko tenê du navend li taxên dorpêçkirî di xizmetê de mane, ya yekê ji bo agirkujînê ye û ya din ji bo rizgarkirinê ye.
Serokê Nivîsgeha Berevaniya Sivîl hişyarî da ko heyberên bingehîn û bi taybetî ard nemaye.
Jêder: Hevbendî
