Serokê Hevbendiya Niştimanî ya hêzên şoreş û rikberiya Sûriyê Enes Elebide, name ji 23 dewletan û 4 rêxistinên navdewletî re şandin, bi armanca handana wan li ser standina rêşûnên bilez ji bo parastina sivîlên li navçeya rûbarê Bereda ya li gundewarê Şamê, ku navçe rastî êrîşên hovane dibe ji aliyê rijêma Esed û milîsên Îranê yên mezhebperist ve, yên ku rijdin li ser berdewamiya oparesyona xwe ya leşkerî bi armanca neçarkirina xelkê li ser koçberbûnê.
Ele’bide di nameyên xwe de tekez kir ku Hevbendiya Niştimanî vê koçbarkirinê bi “tawanek şer ligor yasa mirovî ya navdewletî” dibîne.
Û di nameyan de daxwaza giringiya rawestandina van êrîşên hovane li ser sivîlan kir, û herweha neçarkirina rijêma Esed li ser pabendbûna tekestên biryarên rawestandina karên dijminkarî ji wan dewlet û rêxistinên navdewletî, û herwiha daxwaza sepandina sizayan li ser Rijêmê kir, eger bersiva agirbestê nede û dorpêçê raneke û alîkariyên mirovî û nojdarî bi awayekî bilez û bê merc derbas neke.
Ele’bide daxwaza rawestandina sercem şêweyên koçberkirina neçarî kir û daxwaza vekirina doseyên lêkolînê li hember doxên berê kir û ew wek tawanên şer dîtin û daxwaza dadgehkirina berpirsên van kiryaran kir.
Herwiha derbarê dezgeha belavkirina ava kaniya Fîcè da ku hin raport tekez dikin ku rûbarê Bereda bi çekên giran û bi firokan tê bombebarankirin, û ev yek bûye sedema pîsbûna ava Fîcê bi neft û gaz û mazotê ya dihat bikaranîn ji bo pumpên avê, herwiha pîsbûna avê bi gelek ji mada kilorê ya dihat bikaranîna ji bo paqijkirina avê, Ele’bide derbarê vê yekê daxwaz kir ku rê bête dan li pêş karên saxbîrî û çaksaziyên dezgeha avê, ya ji aliyê xelkê xwecih yên navçeyê tête rêvebirin.
Serokê Hevbendiyê cext li ser giringiya dubarenekirina wek van binpêkirin û tawanên mezin kir, û daxwaza damezrandina nivîsîngeheka Xaça sor ya navdewletî li Wadî Bereda û li navçeyên din yên dorpêçkirî kir; ji bo gerantiya cêbicêkirina biryarên encûmena asayîşa navdewletî, nemaze biryara hejmar 2254 ya sala (2015) û biryara 2268 ya (2016).
Tê zanîn ku ev êrîşên hovane yên dawiyê li ser rûbarê Bereda, bûn sedema kuştina 23 sivîlan, û pênc ji wan zarok bûn, û birîndarbûna 60 sivîlên din, ku piraniya wan bi giranî hatine birîndarkirin, û çend gund mîna Kefêr Zêt û Dêr Qanûn û A’în Fîcê û Bisîmê hatine wêrankirin.
Ele’bide bal kişand ku “rijêma Esed û Îran kar dikin li ser koçbarkirina xelkê rûbarê Bereda ji bo çolkirina malên xwe bi neçarî, bi rêka bombebarankirina hovane û wêranlirina karsaziyên sivîlan yên xizmetê, û herwiha bi rêka sepandina dorpêçeka tund, ku Rijêmê heman stratîjîk li dijî sercem navçeyên rizgarkirî li Helebê û gundewarê Şam û Himusê bikar anîye “.
Û dezgehên civaka sivîl li wadî Bereda her reng ji rengên koçbarkirina xelkê ya neçarî red kirin, û daxwaza rawestandina siyasetên rijêma Esed kirin yên bi armanca peydakirina guhertinên demografî di tevahiya navçeyên Sûriyê yê serekî de û daxwaza dubarenekirina komelkujiya “Sirbirîinîtsa” li navçeya rûbarê Bereda kir.
Jêder: Nivîsîngeha Raguhandina Hevbendiya.Niştimanî