Serokê Hevbendiya Niştimanî ya hêzên şoreş û Rikberiya Sûriyê Enes Elebide duhî li Biroksilê paytexta Beljîka ligel berpirsa siyaseta derve ya Yekîtiya Ewropî Firêdrîk Morgirînî civiya.
Ele’bide behsa zêdebûna operasyonên leşkerî yên Rijêmê û Rûsiya û Îranê kir, ku bûne sedemên ketina zêdetir ji 300 şehîd û bi sedan birîndaran li Heleb û Idlib û Himus û Xûtaya rojhilat, û tekez kir ku tişta dibe “tawanên şer û yên dijî mirovan in”.
Ele’bide di hevdîtinê xwe de bi amadebûna nûnerê desteya bilind ya danustandinan û nûnerê desteya Hemahengiya Niştimanî, daxwaza rawestandina kuştarên dibin li dijî gelê Sûriyê kir, û herwiha Yekîtiya Ewropa han da li ser piştgiriya gelê Sûriyê û şoreşa wê, û bal kişand ku roleke giring ya Yekîtiyê hebû di pêşniyatkirina destpêşxeriyan de.
Ele’bide got ku “Rêjîm û Rûsiya piroseya siyasî têk dibin, bi rêka armanckirina sivîlan û navendên bajêrvaniyê”, û hişyarî da li ser rewşa xirab ya navçeyên dorpêçkirî û metirsiya agirbestên xwecihî yên ku dibin sedemên koçbarkirina neçarî û çêkirina guhertina dîmografîk li gelek navçeyan”.
Û herwiha tekezî li ser giringiya piştgiriya Yekîtiya Ewropa bo pirojeyên hikûmeta demkî yên di warê perwerde û saxlemiyê û xizmetgozariyên serekî de kir.
Ji aliyê xwe ve, Mogirînî behsa serdana xwe ya ji herêmê re ya vê dawiyê kir, û behsa bizav û diyalogên xwe yên ji bo jinûavakirinê wek beşek ji piroseya veguhestinê kir, û amaje bi helwesta Yekîtiya Ewropa ya ji bo piştgiriya bizavên pêwîst bo veguhestina siyasî li ser binemayê biryarên navdewletî yên peywendîdar kir.
Jêder: Nivîsîngeha Ragihandina Hevbendiya Niştimanî ya Sûriyê
