Encumena Xwecihî ya bajarê Zebedanî bang li desteyên hawarçûnê û yên mirovî û navdewletî kir ku alîkariyên bilez ji bo dorpêçkiryan li herdû bajarên Medaya û Beqîn j xelkên devera Zebedanî li Gundewarê Şamê re bi nêzîkbûna demsala zivistanê pêşkêş bikin.
Encumenê daxwaz ji dezgehên navdewletî kir ku bi erkê xwe yê mirovahî rabe, û bang li Civaka Navdewletî kir ku pêwîst e bilez alîkarî ji bo penaberan bê pêşkêş kirin , da ku êzing bêne dabîn kirin, ji ber ku mirin li gor salixdana Encumena Xwecihî bûye hevpişkê tevahiya xelkên Zebedanê yên dorpêçkirî li Medaya û Beqîn.
Bajarên Medaya û Beqîn û Zebedanî ji deverên çiyayî ne û seqayê wan di demsala zivistanê de sar e, û nêzîkî sînorê di navbera Sûrya û Libnanê de ne, ji ber vê yekê Hizbulaha Libnanê lê çalak e û dorpêçê li ser xelkê di wan navçeyan de disepîne.
Heftiya derbasbûyî Encumena Xwecihî li bajarê Medaya hişyarî da derbarê egera rûdana diyardeya birçîbûnê bi sedema kêmbûna pir ji madeyên xwarinê, herwiha 90 kes di sala derbasbûyî de ji ber serm e û birçîbûnê jiyana xwe ji dest dan.
Çalakvanên sivîl dan zanîn ku bi sedema dorpêçê û hatina demdsala zivistanê bi serma xwe ya pir û bêyî hebûna êzingên germkirinê û madeyên xwarinê , egera mirina zarok û pîremêr û nexweşên mayî li herdû bajarokan tê holê.
Rejîma Esed û milîsên hevalbendên wê dest bi dorpêça xwe kirin li ser Zebedanî ji sala 2012an de, û dorpêç zortir bû di Tîrmeha 2015an de, di heyama helmeta hovane ya ku hêzên Esed û milîsên Hizbulaha Libnanê pê rabûn.
Welatiyên Zebedanî ku hejmara wan 60 hezar kes bû, koçberî herdû bajarên Medaya û Beqîn bûn, ew jî piştî himbizbûna topbaran û dorpêçê.
Jêder: Nivîsgeha Ragihandinê ya Hevbendiya Niştîmanî
