Emîndarê giştî yê Netewên Yekbûyî Entonyo Gotîrîs, nameyek ji serokê Hevbendiya Sûriyê Enes El’ebda re şand, û têde soza karê ji bo parastina sivîlên Sûriyê li gor piransîbên bingehîn yên yasaya navdewletî û ya mirovî da.
Û Gotîrîs hêviya karkirina bi Encûmena Niştimanî Sûrî re anî ziman, ji bo berdewamkirina danûstandinên Sûriyê di bin çavdêriya Netewên Yekbûyî de, bi armanca danîna dawiyekê ji derdeseriyê re û pêkanîna aştiya herdemî, û hêvî kir ku Hevbendiya Niştimanî roleke zû bilîze di daraştina çareyeke siyasî ya giştgîr û rasteqîne ji vê dijîtiya bobelatî re û hemî hêviyên rewa yên tevaya gelê Sûriyê bi cih bîne.
Û ev name bersiv bû ji nameya pîrozbahiyê ya ku Ebda ji Gotîrîs yê ku wê karê xwe wek Emîndarê giştî yê Netewên Yekbûyî li şûna Bankîmon di 1ê çileyê paşî 2017an de re şandibû .
Û Gotîrîs dît ku derdê gelê Sûriyê “derdekî girane tu kes nikare hilgire” û her weha got ku wî di dema karê xwe yê bûrî de “derdeseriya lawaztirîn kesên cîhanê û ji wan jî gelê Sûriyê yên ku neçar bûn ku ji malên xwe birevin” dît.
Û Gotîrîs di nameya xwe de bal kişand ser ku Netewên Yekbûyî berevaniyê di ber girûpek ji nirxên cîhanî : aşitî, dadmendî, rûmeta mirovahî û lêbûrînê dike, û weha jî got: ezê li ser mîrasê yên berî xwe ava bikim û ezê bêalî bim di pêkanîna van piransîban de.
Û Emîndarê giştî yê nû ji Netewên Yekbûyî re tekez kir ku wê ji aliyê pêvajoya siyasî de Netewên Yekbûyî wê bimîne li gor biryara Encûmena Ewlekariyê 2254 sala 2015an û daxuyaniya Cinêv ya 2012an, û got ku dijîtiya tîrorê hîna pêşindeye li gor biryarên Encûmena Ewlekariyê ya 2107 sala 2014 an û 2178 ya 2014an û 2199 ya 2015an û 2253 ya 2015an.
Her weha Gotîrîs tekezî kir li ser pabendiya exlaqî ya hevbeş ji bo rawestandina derdeseriya gelê Sûrî û danîna dawiyekê ji êrîşên li dijî deverên sivîlan û jêrxaneya bajarvaniyê, wek dibistan û bazar û nexweşxane û mizgeftan, û danîna sînorekî ji bikaranîna bêserûber ji çekan re tevlî yên qedexe, û hêsankirina gihandina alîkariyên mirovî bi şêweyekî herdemî û bê şert û merc û astengî bo hemî deverên welat.
Jêder: ofîsa ragihaninê ya Hevbendiya Nitîmanî ya Sûrî
