Rizgarkirina Kolîja Topxaneyan û hin xalên leşkerî yên li nêzîk wê, ji aliyê şoreşgeran hat ragihandin di çarçovê şerê “Dastana Heleb Ya Mezin” de, ya ji bona şikandina dorpêçkirina li ser sivîlên li taxên rojhilatê Helebê.
Enes Ele’bide, serokê Hevbendiya Niştimanî Ya Hêzên Şoreş Û Rikberiya Sûriyê, destxweşî li qehremaniya şoreşgerên şerên rizgarkirinê kir, yên li dijî rêjîma Esed a tawankar û milîsên wê şer dikin, û got: “qehremanên me, hûn cihê rûmet û şanazîyê ne, hûn destanên serbilindiyê li Helebê û li tevaya Sûriyê tomar dikin, û rê li pêş jidayîkbûna welatekî nû yê azadîxwazên Sûriyê vedikin”.
Herwiha Ele’bide dubare tekezî li ser yekrêziya hêzên şoreşa Sûriyê kir û got: “bi yekîtiya me di meydanê de, wê zordestî û serwerên wê yên dagîrker têkbişikin”, û cext li ser wê yekê kir ku destkeftên şoreşgeran nameyek xuya ne ji rêjîma Esed û Îran û Rûsiya re, li ser ku ew “nikarin şer bi riya leşkerî yekalî bikin, û herwiha nikarin mercên xwe li ser gelê Sûriyê ferz bikin, ji ber ku vîna şoreşgeran dupat kir ku ew dikare zordestiya wan têkbişkîne û armancên wan pûç bike”.
Ele’bide bal kişand ku Rûsiya hewl dide Helebê bi kotekî ji xelkê wê vala bike, bi rêka bombebarankirina xalên pizîşkî û yên xizmetgozarî, û belavkirina piropagendeya vekirina kirîdorên mirovî ji bona neçarkirina xelkê li ser koçbarkirinê, û ev tev ji aliyê rêxistinên mafên mirovan hatin dîkomentkirin.
Ku hêjî hêzên Esed nêzîkî 300 hezar sivîlan di hindur taxên rojhilat yên rizgarkirî de dorpêç dikin, û hêzên Esed û yên Rûsiya, her ji heyva tîrmehê ve, êrîşên xwe ji bona dorpêçkirina bajêr xurtir kirine, û têde bilindtirîn rêjeya komelkujiyan hatine pêkanîn her ji destpêka şoreşa Sûriyê de, ku sercem navendên pizîşkî yên têde hatine armanckirin, û piraniya wan ji kar ketine.
Jêder: Hevbendî
