Firokên dijminkarên Rûsî bi 28 êrîşan bi bombeyên goşî doh piştî nîvro bajarê Seraqib bombebaran kirin.
Mutî’h Celal Berpirsiyarê ragihandinê yê berevaniya sivîl li herêma Idlibê, got ko firokên cengê yên Rûsî êrîşên xwe li ser bajêr pir kirin “wekî tolhildan ji sivîlan bi sedema bipêşveçûna alayên leşkerî li başûrê Helebê” di encamê de sivîlek hat kuştin û deh birîndar bûne û ziyanên madî çêbûne. .
Celal ji acansa Simart re destnîşan kir ko yek ji van êrîşan tîmeke berevaniya sivîl di dema agirvemirandinê de li herêma Elsînaa amanc kirin. Di heman çaxê bombebaranê de wan tîman birîndar veguhastin û agir vemirandin di pey re jî pêmayên bombeyên goşî rakirin.
Firokên hilîkopter Seraqib bi bermîlên teqîner yên tev gaza kilora jehirkirî berî sê rojan bombebaran kirin, di encamê de 33 kes xendiqîn, zarok û jin jî di nav wan de hebûn, bi sedema têkbirina firokeke Rûsî û kuştina taximê wê.
Her wiha doh 16 sivîl ji nav wan 7 zarok û jin bi kêmanî şehîd ketin, bi sedema bombebarankirina balafirên Rûsî bi mûşekên valahî ser taxa Elmerce li ser rêka Babê li Helebê.
Her wiha 4 sivîl ji malbatekê doh hatin kuştin, bi sedema barandina bermîlên teqîner û mayînên deryayî yên ji firokên rêjîma Esed bi ser taxa Elsalihîn de li Heleba dorpêçkirî.
Jêder: Hevbendî